ಹೃತಿಕ್ ಜೊತೆ ಹೋಲಿಕೆ ಮಾಡಬೇಡಿ- ಅಭಿಮಾನಿಗಳಿಗೆ ಜ್ಯೂನಿಯರ್ ಎನ್​ಟಿಆರ್​ ಸಲಹೆ

•   Mon, Aug 11 2025 07:49:24 PM



• ಚೆನ್ನೈ, ಆ. 11 (DaijiworldNews/AK):ಟಾಲಿವುಡ್ ಸ್ಟಾರ್ ನಟ ಜೂನಿಯರ್ ಎನ್​ಟಿಆರ್ ಅವರು ‘ವಾರ್ 2’ ಸಿನಿಮಾದಲ್ಲಿ ಬಾಲಿವುಡ್ ಹೀರೋ ಹೃತಿಕ್ ರೋಷನ್ ಜೊತೆ ತೆರೆ ಹಂಚಿಕೊಂಡಿದ್ದಾರೆ.

  ಆಗಸ್ಟ್ 14ರಂದು ಈ ಸಿನಿಮಾ ವಿಶ್ವಾದ್ಯಂತ ಅದ್ದೂರಿಯಾಗಿ ತೆರೆಕಾಣಲಿದೆ. ಈಗಾಗಲೇ ಟ್ರೇಲರ್ ಮತ್ತು ಹಾಡುಗಳು ಸಖತ್ ಹೈಪ್‌ ಆಗಿದೆ. ‘ಜನಾಬ್-ಏ-ಆಲಿ’ ಹಾಡಿನಲ್ಲಿ ಹೃತಿಕ್ ರೋಷನ್ ಮತ್ತು ಜೂನಿಯರ್ ಎನ್​ಟಿಆರ್ ಅವರು ಜೊತೆಯಾಗಿ ಡ್ಯಾನ್ಸ್ ಮಾಡಿದ್ದಾರೆ. ಇಬ್ಬರ ನಡುವೆ ಅಭಿಮಾನಿಗಳು ಹೋಲಿಕೆ ಮಾಡುತ್ತಿದ್ದಾರೆ. ಅಂಥವರಿಗೆ ಜೂನಿಯರ್ ಎನ್​ಟಿಆರ್​ ಅವರು ಒಂದು ಸಲಹೆ ನೀಡಿದ್ದಾರೆ.

  ಹೈದರಾಬಾದ್​​ನಲ್ಲಿ ‘ವಾರ್ 2’ ಸಿನಿಮಾದ ಪ್ರೀ-ರಿಲೀಸ್ ಇವೆಂಟ್ ಅದ್ದೂರಿಯಾಗಿ ನಡೆದಿದೆ. ಇದರಲ್ಲಿ ಹೃತಿಕ್ ರೋಷನ್, ಜೂನಿಯರ್ ಎನ್​ಟಿಆರ್ ಭಾಗಿ ಆಗಿದ್ದರು. ಈ ವೇಳೆ ಮಾತನಾಡಿದ ಜೂನಿಯರ್ ಎನ್​ಟಿಆರ್ ಅವರು ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ ಆಗುತ್ತಿರುವ ಒಂದು ವಿಷಯದ ಬಗ್ಗೆ ಪ್ರಸ್ತಾಪಿಸಿದರು.

  ‘ಜನಾಬ್​-ಏ-ಆಲಿ ಹಾಡಿನಲ್ಲಿ ಯಾರು ಚೆನ್ನಾಗಿ ಡ್ಯಾನ್ಸ್ ಮಾಡಿದ್ದಾರೆ ಅಂತ ಹೋಲಿಕೆ ಮಾಡಿದರೆ ಅದು ಅಭಿಮಾನಿಗಳ ದಾರಿ ತಪ್ಪಿಸುತ್ತದೆ. ಈ ಹಾಡಿನಲ್ಲಿ ಇಬ್ಬರು ಉತ್ತಮ ಡ್ಯಾನ್ಸರ್​​ಗಳು ಪರಸ್ಪರ ಪೂರಕವಾಗಿದ್ದಾರೆ. ಹೃತಿಕ್ ರೋಷನ್ ಅವರು ಈ ದೇಶದ ಶ್ರೇಷ್ಠ ಡ್ಯಾನ್ಸರ್​​ಗಳಲ್ಲಿ ಒಬ್ಬರು ಎಂದು ಜೂನಿಯರ್ ಎನ್​ಟಿಆರ್​ ಹೇಳಿದ್ದಾರೆ.