ರಶ್ಮಿಕಾ ವಿಜಯ್ ಆರತಕ್ಷತೆಯ ಉಡುಗೆಯಲ್ಲಿ ಗಮನ ಸೆಳೆದ ಕೊಡವ, ಕನ್ನಡದ ಕಂಪು

•   Thu, Mar 05 2026 05:28:28 PM



• ಹೈದರ್‌ಬಾದ್‌,ಮಾ. 05 (DaijiworldNews/AK): ರಶ್ಮಿಕಾ ವಿಜಯ್ ದೇವರಕೊಂಡ ಅವರ ಅದ್ಧೂರಿ ಆರತಕ್ಷತೆ ಬುಧವಾರ ಹೈದರ್‌ಬಾದ್‌ನಲ್ಲಿ ನಡೆದಿದೆ. ನವಜೋಡಿಯ ನೂತನವಾದ ವಸ್ತ್ರವಿನ್ಯಾಸ ಎಲ್ಲರ ಗಮನ ಸೆಳೆದಿದೆ.

  ವಧು ರಶ್ಮಿಕಾ ಧರಿಸಿದ್ದ ಕಡು ಕೆಂಪು ಬಣ್ಣದ ಸೀರೆ ಇಡೀ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಟ್ರೆಂಡ್ ಸೃಷ್ಟಿಮಾಡಿದೆ. ಪಾರಂಪರಿಕವಾದ ಸಿಲ್ಕ್‌ ಸೀರೆ ಧರಿಸಿ ಕನ್ನಡ ಸಾಂಸ್ಕೃತಿಕ ಮೆರುಗನ್ನ ರಶ್ಮಿಕಾ ಪ್ರದರ್ಶಿಸಿದ್ದಾರೆ.

  ವರ ವಿಜಯ್ ದೇವರಕೊಂಡ ಕೂಡ ಮೈಸೂರು ಸಿಲ್ಕ್ ಪಂಚೆ ಶರ್ಟ್ ಶಲ್ಯ ಧರಿಸಿ ಕಂಗೊಳಿಸಿದ್ದಾರೆ. ರಶ್ಮಿಕಾ ಧರಿಸಿದ್ದ ಮೈಸೂರ್ ಸಿಲ್ಕ್ ಸೀರೆ ಬಹಳಷ್ಟು ವಿಶೇಷತೆಯಿಂದ ಕೂಡಿದೆ. ಕೆಂಪು ಬಣ್ಣದ ನೇಯ್ದ ಮೈಸೂರು ರೇಶ್ಮೆ ಸೀರೆ ಕಪ್ಪು ಬಾರ್ಡರ್ ಹೊಂದಿದೆ. ರವಿಕೆಗೆ ಸಿಂಪಲ್ ಕಸೂತಿ ಮಾಡಲಾಗಿದೆ.

  ಬಾರ್ಡನ್‍ರನ್ನ ಮೈಸೂರು ಸಂಸ್ಥಾನದ ಲಾಂಛನ ಗಂಡಭೇರುಂಡ ರೇಶ್ಮೆ ಎಳೆಗಳ ನೇಯ್ಗೆಗಳಲ್ಲಿ ಕೊಡವ ಶೈಲಿಯ ಡಿಸೈನ್‍ನ್ನು ರವಿಕೆಯಲ್ಲಿ ಗಮನಿಸಬಹುದು. ರವಿಕೆಯ ಬ್ಯಾಕ್‍ನೆಕ್ ಡಿಸೈನ್‍ನಲ್ಲಿ ಒಡಿಕತ್ತಿ ಕಸೂತಿ ಮಾಡಲಾಗಿದೆ. ಇದು ಕೊಡವರ ಸಂಸ್ಕೃತಿಯ ಚಿನ್ಹೆಯಾಗಿದ್ದು ಕೊಡವ ಪುರುಷರು ತಮ್ಮ ಸೊಂಟಕ್ಕೆ ಸಿಕ್ಕಿಸಿಕೊಳ್ಳುವ ಮೊನಚಾದ, ಹಗುರವಾದ ಕೊಡವರಷ್ಟೇ ಬಳಸುತ್ತಿದ್ದ ಅಪರೂಪದ ಕತ್ತಿ ಶೈಲಿಯಾಗಿದೆ. ಒಟ್ಟಾರೆ ಕನ್ನಡದ ಸಾಂಸ್ಕಂತಿಕ ಮೆರುಗು ರಶ್ಮಿಕಾ ಸೀರೆ ಡಿಸೈನ್‍ನಲ್ಲಿ ಮೇಳೈಸಿತ್ತು.