ಕುಂದಾಪುರ : ಹಿರಿ ವಯಸ್ಸಿನ ಅಭಿಮಾನಿಯ ಆಸೆ ಈಡೇರಿಸಿದ ರಕ್ಷಿತಾ ಶೆಟ್ಟಿ - ವೀಡಿಯೋ ವೈರಲ್‌!

•   Mon, Mar 09 2026 11:31:07 AM



• ಕುಂದಾಪುರ, ಮಾ. 09 (DaijiworldNews/TA) : ಬಿಗ್‌ಬಾಸ್ ಕನ್ನಡ ಸೀಸನ್ 11ರಲ್ಲಿ ಭಾಗವಹಿಸಿ ಜನಪ್ರಿಯತೆ ಗಳಿಸಿದ ರಕ್ಷಿತಾ ಶೆಟ್ಟಿ, ಇತ್ತೀಚೆಗೆ ತಮ್ಮ ಅಜ್ಜಿ ವಯಸ್ಸಿನ ಅಭಿಮಾನಿಯನ್ನು ಭೇಟಿ ಮಾಡಿ ನೆಟ್ಟಿಗರನ್ನೆಲ್ಲಾ ನಗುಹಾಸ್ಯದಲ್ಲಿ ಮುಳುಗಿಸಿದ ಘಟನೆ ನಡೆದಿದೆ. ಆಕೆ ತನ್ನ ಅಭಿಮಾನಿ ಅಜ್ಜಿ ಮನೆಯನ್ನು ನೋಡಲು ಹೋಗಿ, ಅವರ ಹರ್ಷಭರಿತ ಆಶೀರ್ವಾದಗಳನ್ನು ಪಡೆದಿದ್ದು, ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಅನೇಕವರು ಈ ಸುಂದರ ಕ್ಷಣವನ್ನು ಮೆಚ್ಚಿದ್ದಾರೆ.

  

  ವೀಡಿಯೋದಲ್ಲಿ, ಅಜ್ಜಿ ರಕ್ಷಿತಾ ಅವರನ್ನು ಭೇಟಿ ಮಾಡುವುದಕ್ಕಾಗಿ ರೆಡಿಯಾಗುತ್ತಿದ್ದಂತೆ, ರಕ್ಷಿತಾ ಅವರ ಕಾಲಿಗೆ ಬಿದ್ದು ಆಶೀರ್ವಾದ ಪಡೆದಿದ್ದು, ಅದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಲ್ಪಟ್ಟಿದೆ. ರಕ್ಷಿತಾ ಕೂಡ ಈ ವೀಡಿಯೋವನ್ನು ನೋಡಿದ ಮೇಲೆ ಇಮೋಜಿಯೊಂದಿಗೆ ಪ್ರತಿಕ್ರಿಯಿಸಿದವರು, ಅನೇಕ ಅಭಿಮಾನಿಗಳು ಹಾಗೂ ನೆಟ್ಟಿಗರು ಈ ಪ್ರೀತಿಪೂರಿತ ಕ್ಷಣವನ್ನು ಮೆಚ್ಚಿ, ರಕ್ಷಿತಾ ಅವರನ್ನು ಅಭಿನಂದಿಸಿದ್ದಾರೆ.

  ಅಜ್ಜಿ ಫ್ಯಾನ್ಸ್ ಇದ್ದಾರೆ ಎಂದು ರಕ್ಷಿತಾಗೆ ಗೊತ್ತಾಗಿದ್ದು ಹೇಗೆ? : ಈ ವೀಡಿಯೋವವನ್ನು ಸಿಂಚು ಶೆಟ್ಟಿ ಎಂಬುವವರು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಇ ಸಿಂಚ್ ಶೆಟ್ಟಿ ಎಂಬುವವರು ಅಜ್ಜಿ ಬಿಗ್ಬಾಸ್ ದಿನವೂ ನೋಡುತ್ತಿದ್ದು, ಬಿಗ್ಬಾಸ್ ಮುಗಿದ ನಂತರ ಅವರು, ಆ ಕಾರ್ಯಕ್ರಮ ಮುಗಿದಿರುವುದರ ಅರಿವಿಲ್ಲದೇ ತಮ್ಮ ಮೊಮ್ಮಗಳ ಬಳಿ ಆ ಬಗ್ಗೆ ಕೇಳುತ್ತಾರೆ. ಮೊಮ್ಮಗಳು ಯಾರು ಬೇಕು ನಿಮಗೆ ಎಂದು ಕೇಳಿದಾಗ, ತಮ್ಮ ಕುಂದಾಪುರ ಭಾಷೆಯಲ್ಲಿ ಅದೊಂದು ಹೆಣ್ ಬರ್ತಲೆ ಎಂದು ಹೇಳುತ್ತಾರೆ. ಯಾವ್ ಹೆಣ್ಣ್ ಎಂದು ಕೇಳಿದಾಗ, ಶೆಟ್ರ ಹೆಣ್ ಜೋರಿತ್ತಲ್ಲ ಎಂಬವುದಾಗಿ ಹೇಳಿದಾಗ ಮೊಮ್ಮಗಳು ಆ ಕಾರ್ಯಕ್ರಮ ಮುಗಿಯಿತು ಎಂದು ಹೇಳುತ್ತಾರೆ. ಅದಕ್ಕೆ ಅವರು ಮೊಮ್ಮಗಳಿಗೆ ನೀನು ಸುಳ್ಳು ಹೇಳುವುದು ನನಗೆ ಆ ಕಾರ್ಯಕ್ರಮ ಮುಗಿದಿಲ್ಲ ಎಂದು ಹೇಳುತ್ತಾರೆ. ನಿಜವಾಗಿಯೂ ಆ ಕಾರ್ಯಕ್ರಮ ಮುಗಿಯಿತು ಎಂದು ನಂತರ ಅವರ ಮೊಮ್ಮಗಳು ಅವರಿಗೆ ಮನವರಿಕೆ ಮಾಡುತ್ತಾರೆ. ನಂತರ ಹೋ ಹೌದಾ ಎಂಬುವುದಾಗಿ ಅವರು ಬೇಜಾರಾಗಿದ್ದಾರೆ.

  ಈ ವೀಡಿಯೋವನ್ನು ರಕ್ಷಿತಾ ಶೆಟ್ಟಿ ಅವರಿಗೆ ಟ್ಯಾಗ್ ಮಾಡಿ ಹಾಕಲಾಗಿತ್ತು. ರಕ್ಷಿತಾ ಕೂಡ ಈ ವೀಡಿಯೋ ನೋಡಿ ಪ್ರೀತಿಯಿಂದ ಇಮೋಜಿಯನ್ನು ಹಾಕಿದ್ದರು. ಇದಾದ ನಂತರ ಅನೇಕರು ಈ ಅಜ್ಜಿಯನ್ನೊಮ್ಮೆ ಭೇಟಿ ಮಾಡುವಂತೆ ರಕ್ಷಿತಾಗೆ ಮನವಿ ಮಾಡಿದ್ದರು ಎನ್ನಲಾಗಿದೆ. ಅನೇಕರು ವೀಡಿಯೋವನ್ನು ರಕ್ಷಿತಾಗೆ ಕಳುಹಿಸಿ ಒಮ್ಮೆ ಭೇಟಿ ಮಾಡುವಂತೆ ಒತ್ತಾಯಿಸಿದ್ದರು. ಈ ಹಿನ್ನೆಲೆ ರಕ್ಷಿತಾ ಆ ಅಜ್ಜಿಯನ್ನು ಭೇಟಿ ಮಾಡಿ ಅವರ ಜೊತೆ ಮಾತುಕತೆ ನಡೆಸಿ ಸಂತಸ ಪಟ್ಟಿದ್ದು, ಹಿರಿಯ ಜೀವದ ಕಾಲಿಗೆ ಬಿದ್ದು ರಕ್ಷಿತಾ ಶೆಟ್ಟಿ ಆಶೀರ್ವಾದ ಪಡೆದಿದ್ದಾರೆ. ಈ ವೀಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಒಟ್ಟಿನಲ್ಲಿ ರಕ್ಷಿತಾ ತಮ್ಮ ಹಿರಿಯ ಅಭಿಮಾನಿಯನ್ನು ಭೇಟಿ ಮಾಡಿದ್ದಕ್ಕೆ ಅವರ ಅಭಿಮಾನಿಗಳು, ನೆಟ್ಟಿಗರು ಫುಲ್‌ ಖುಷ್‌ ಆಗಿದ್ದಾರೆ.

  View this post on Instagram

  A post shared by Dr. Sinchana R Shetty (@sinch_shettyy)