ಬೇಬಿ ಬಂಪ್ ಫೋಟೋಶೂಟ್ - ಎರಡನೇ ಮಗುವಿನ ನಿರೀಕ್ಷೆಯಲ್ಲಿ ದೀಪಿಕಾ ಪಡುಕೋಣೆ ದಂಪತಿ

•   Wed, Sep 09 2026 04:12:12 PM



• ಮುಂಬೈ,ಸೆ. 09 (DaijiworldNews/AK): ಬಾಲಿವುಡ್‌ನ ತಾರಾ ದಂಪತಿ ದೀಪಿಕಾ ಪಡುಕೋಣೆ ಹಾಗೂ ರಣವೀರ್‌ ಸಿಂಗ್‌ ಶೀಘ್ರದಲ್ಲೇ ತಮ್ಮ ಎರಡನೇ ಮಗುವನ್ನು ಬರಮಾಡಿಕೊಳ್ಳುವ ಸಂಭ್ರಮದಲ್ಲಿದ್ದಾರೆ.

  ಇದೀಗ ತಮ್ಮ ಮುದ್ದಾದ ಮಗಳು ದುವಾ ಪಡುಕೋಣೆ ಸಿಂಗ್‌ಳ 2ನೇ ವರ್ಷದ ಹುಟ್ಟುಹಬ್ಬದ (ಸೆಪ್ಟೆಂಬರ್ 8) ವಿಶೇಷ ಸಂದರ್ಭದಲ್ಲಿ ಈ ಜೋಡಿ ಸುಂದರ ಬೇಬಿ ಬಂಪ್‌ ಫೋಟೋಶೂಟ್‌ ಹಂಚಿಕೊಂಡಿದೆ.

  ಸಾಮಾನ್ಯವಾಗಿ ತಮ್ಮ ಮಗಳ ಮುಖವನ್ನು ಕ್ಯಾಮೆರಾ ಕಣ್ಣಿನಿಂದ ದೂರವೇ ಇಡುತ್ತಿದ್ದ ದೀಪಿಕಾ ಮತ್ತು ರಣವೀರ್‌ ಇದೀಗ ಮಗಳ ಹುಟ್ಟುಹಬ್ಬದ ದಿನದಂದು ಬ್ಲ್ಯಾಕ್ & ವೈಟ್ ಥೀಮ್‌ನಲ್ಲಿ ಕ್ಲಿಕ್ಕಿಸಲಾದ ಫ್ಯಾಮಿಲಿ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋಗಳಲ್ಲಿ ದೀಪಿಕಾ ತಮ್ಮ ಬೇಬಿ ಬಂಪ್ ಪ್ರದರ್ಶಿಸಿದ್ದು, ಮಗಳು ದುವಾ ತಂದೆ-ತಾಯಿಯೊಂದಿಗೆ ಮುದ್ದಾಗಿ ಪೋಸ್ ಕೊಟ್ಟಿದ್ದಾಳೆ.

  ಫೋಟೋಗಳ ಜೊತೆಗೆ,”ಬೇಬಿ ದುವಾ ಜೊತೆಗೆ ನಮ್ಮ ಹೃದಯಗಳು ಇನ್ನಷ್ಟು ಹಿರಿದಾಗುತ್ತಿವೆ! ನಿಮ್ಮೆಲ್ಲರ ಪ್ರೀತಿ ಮತ್ತು ಆಶೀರ್ವಾದಕ್ಕೆ ಧನ್ಯವಾದಗಳು” ಎಂದು ಬರೆದುಕೊಂಡಿದ್ದಾರೆ