ತನ್ನ ಟ್ವಿಟ್ಟರ್‌ ಖಾತೆಯಲ್ಲಿ 8 ಜನರನ್ನು ಬಿಟ್ಟು ಉಳಿದವರನ್ನು ಅನ್‌‌ ಫಾಲೋ ಮಾಡಿದ ಕರಣ್‌‌ ಜೋಹರ್‌

•   Fri, Jun 19 2020 06:24:39 PM



• ಮುಂಬೈ, ಜೂ 19 (DaijiworldNews/PY) : ಸುಶಾಂತ್‌‌ ಸಿಂಗ್‌ ಸಾವಿಗೆ ಬಾಲಿವುಡ್‌‌ನ ಕೆಲವು ನಿರ್ಮಾಣ ಸಂಸ್ಥೆಗಳ ಹಾಗೂ ಸ್ಟಾರ್‌‌ ನಟರು ಎನ್ನುವ ಆರೋಪ ನೆಟ್ಟಿಗರಿಂದ ಕೇಳಿಬಂದಿದೆ.

  

  ಗಾಯಕ ಸೋನು ನಿಗಮ್‌‌‌ ಕೂಡಾ ಇದೇ ವಿಚಾರವಾಗಿ ಮಾತನಾಡಿದ್ದು, ಇಂತಹ ಸಾವು ಮ್ಯೂಸಿಕ್‌ ಇಂಡಸ್ಟ್ರಿಯಲ್ಲಿ ಸಂಭವಿಸದಿರಲಿ ಎಂದು ಕೇಳಿಕೊಂಡಿದ್ದಾರೆ. ಇದೀಗ ಹೊಸ ಬಾಲಿವುಡ್‌‌‌ ಖ್ಯಾತ ನಿರ್ಮಾಪಕ ಕರಣ್‌‌ ಜೋಹರ್‌‌‌‌‌ ಹೆಜ್ಜೆ ಇಟ್ಟಿದ್ದು, ಇದು ಭಾರೀ ಚರ್ಚೆಗೆ ಗ್ರಾಸವಾಗಿದೆ.

  ಯುವ ನಟ ಸುಶಾಂತ್‌ ಸಿಂಗ್‌‌‌‌‌‌‌‌‌ ರಜಪೂತ್‌ ಅವರ ಆತ್ಮಹತ್ಯೆ ಹಿನ್ನೆಲೆ ನಿರ್ಮಾಪಕ ಕರಣ್‌ ಜೋಹರ್‌, ನಟ ಸಲ್ಮಾನ್‌ ಖಾನ್‌, ನಟಿ ಅಲಿಯಾ ಭಟ್‌‌‌, ಏಕ್ತಾ ಕಪೂರ್‌, ಸೋನಂ ಕಪೂರ್‌‌‌‌ ಸೇರಿದಂತೆ ಹಲವರ ವಿರುದ್ದ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದು, ಅಲ್ಲದೇ, ಸಾಮಾಜಿಕ ಜಾಲತಾಣದಲ್ಲಿ ಅವರನ್ನು ಫಾಲೋ ಮಾಡುತ್ತಿದ್ದರೆ, ಅನ್‌ಫಾಲೋ ಮಾಡಲು ಕೆಲ ನೆಟ್ಟಿಗರು ಒತ್ತಾಯ ಮಾಡುತ್ತಿದ್ದಾರೆ.

  ತಮ್ಮ ಟ್ವಿಟ್ಟರ್‌ ಖಾತೆಯಲ್ಲಿ ಕರಣ ಜೋಹರ್‌ ಅವರು ಸಾಕಷ್ಟು ನಾಯಕರು, ಕಲಾವಿದರನ್ನು ಫಾಲೋ ಮಾಡುತ್ತಿದ್ದರು. ಆದರೆ, ಈಗ ಎಂಟು ಮಂದಿ ಸೆಲೆಬ್ರಿಟಿಗಳನ್ನು ಬಿಟ್ಟು, ಉಳಿದ ಎಲ್ಲರನ್ನು ಅನ್‌‌ ಫಾಲೋ ಮಾಡಿದ್ದು, ಹಿರಿಯ ನಟ ಅಮಿತಾಬ್‌ ಬಚ್ಚನ್‌‌‌, ಶಾರುಖ್‌‌ ಖಾನ್‌, ಅಕ್ಷಯ್‌‌‌‌ ಕುಮಾರ್‌‌, ಪ್ರಧಾನಿ ನರೇಂದ್ರ ಮೋದಿ ಹಾಗೂ ಧರ್ಮ ಪ್ರೊಡಕ್ಷನ್‌‌‌‌‌‌‌‌‌‌ ಸೇರಿದಂತೆ ಎಂಟು ಮಂದಿಯನ್ನು ಮಾತ್ರ ತಮ್ಮ ಟ್ವಿಟ್ಟರ್‌‌‌ ಖಾತೆಯಲ್ಲಿ ಫಾಲೋ ಮಾಡುತ್ತಿದ್ದಾರೆ.

  ನಟಿ ಅಲಿಯಾ ಹಾಗೂ ಕರಣ್‌ ಜೋಹರ್‌‌ ಇಬ್ಬರು ಸೇರಿ ಸುಶಾಂತ್‌ ಸಿಂಗ್‌ ಅವರನ್ನು ಕಾಫಿ ವಿತ್‌‌‌ ಕರಣ್‌‌‌‌ ಕಾರ್ಯಕ್ರಮದಲ್ಲಿ ಅಪಹಾಸ್ಯ ಮಾಡಿದ್ದರು. ಈಗ ಆ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗುತ್ತಿದ್ದು, ಇದರ ಬಗ್ಗೆ ನೆಟ್ಟಿಗರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.