ಸುಡಾನ್ ದೇಶದ ನೇತೃತ್ವ ವಹಿಸಲಿರುವ ಭಾರತೀಯ ಸೇನಾಧಿಕಾರಿ

•   Sun, May 26 2019 10:39:00 AM



• ಅಮೆರಿಕ,ಮೇ26(Daijiworld News/AZM): ಭಾರತೀಯ ಸೇನಾಧಿಕಾರಿ ಲೆಫ್ಟಿನೆಂಟ್ ಜನರಲ್ ಶೈಲೇಶ್ ತಿನೈಕರ್ ಅವರು ವಿಶ್ವಸಂಸ್ಥೆಯ ಶಾಂತಿ ಯೋಜನೆಯ ಸುಡಾನ್ ದೇಶದ ನೇತೃತ್ವವನ್ನ ವಹಿಸಿಕೊಳ್ಳಲಿದ್ದಾರೆ.

  

  ಯುಎನ್ ಮಿಷನ್ ಸುಡಾನ್​ನ ಫೋರ್ಸ್ ಕಮಾಂಡರ್ ಆಗಿ ವಿಶ್ವಸಂಸ್ಥೆ ಪ್ರಧಾನ ಕಾರ್ಯದರ್ಶಿ ಆಂಟನಿಯೋ ಗುಟ್ರೆಸ್ ಶೈಲೇಶ್​ರನ್ನ ನೇಮಕ ಮಾಡಿದ್ದಾರೆ. 57 ವರ್ಷದ ಲೆಫ್ಟಿನೆಂಟ್​ ಜನರಲ್​ ಶೈಲೇಶ್​ ತಿನೈಕರ್ ರುವಾಂಡದ ಜನರಲ್ ಫ್ರ್ಯಾಂಕ್ ಕಮಾನ್ಜಿ ಅವರಿಂದ ತೆರವಾಗುವ ಸ್ಥಾನವನ್ನ ತುಂಬಲಿದ್ದಾರೆ. ಜನರಲ್ ಫ್ರ್ಯಾಂಕ್ ಕಮಾನ್ಜಿ ಇಂದು ನಿವೃತ್ತರಾಗುತ್ತಿದ್ದಾರೆ.

  ಭಾರತೀಯ ಸೇನೆಯಲ್ಲಿ 34 ವರ್ಷಗಳ ಸೇವೆ ಸಲ್ಲಿಸಿರುವ ಲೆಫ್ಟಿನೆಂಟ್ ಜನರಲ್ ಶೈಲೇಶ್ ತಿನೈಕರ್, ಸದ್ಯ ಇನ್​ಫ್ಯಾಂಟ್ರಿ ಸ್ಕೂಲ್​ನ ಕಮಾಂಡಂಟ್ ಆಗಿ ಕಾರ್ಯ ನಿರ್ವಹಿಸ್ತಿದ್ದಾರೆ.

  ತಿನೈಕರ್​ ಅವರಿಗೆ ಸೇವಾ ಮೆಡಲ್ ಮತ್ತು ವಿಶಿಷ್ಠ ಸೇವಾ ಮೆಡಲ್​ನಿಂದ ಗೌರವಿಸಲಾಗಿದೆ.