ಯುಎಇ, ಸೌದಿಯಲ್ಲಿ ಇಂದು ಈದ್ ಹಬ್ಬದ ಸಂಭ್ರಮ

•   Tue, Jun 04 2019 09:55:53 AM



• ದುಬೈ,ಜೂ04(DaijiworldNews/AZM):ಇಂದು ಯುಎಇ ಹಾಗೂ ಸೌದಿ ಅರೇಬಿಯಾದಲ್ಲಿರುವ ಮುಸ್ಲಿಂ ಬಾಂಧ್ಜವರು ಈದು ಉಲ್ ಫಿತರ್ ಹಬ್ಬವನ್ನು ಆಚರಿಸುತ್ತಿದ್ದಾರೆ. ಸೋಮವಾರ ರಾತ್ರಿ ಚಂದ್ರದರ್ಶನವಾದ ಹಿನ್ನಲೆ ಇಂದು ಈದ್ ಹಬ್ಬವನ್ನು ಆಚರಿಸಲಾಗುತ್ತಿದೆ.

  

  

  

  

  

  ಯುಎಇ ಹಾಗೂ ಸೌದಿ ಅರೇಬಿಯಾದಲ್ಲಿರುವ ಮುಸ್ಲಿಂ ಬಾಂಧವರಿಗೆ 29 ರಮ್ ಝಾನ್ ಉಪವಾಸ ದೊರಕಿದ್ದು, ಇಂದು ಈದ್ ಹಬ್ಬವನ್ನು ಆಚರಿಸುತ್ತಿದ್ದಾರೆ. ಮುಂಜಾನೆಯೇ ಇಲ್ಲಿಯ ಮುಸ್ಲಿಂ ಬಾಂಧವರು ಮಸ್ಜಿದ್ ಗೆ ತೆರಳಿ ಈದ್ ನಮಾಝ್ ಮಾಡಿ, ತಮ್ಮ ತಮ್ಮೊಳಗೆ ಶುಭ ಹಾರೈಸಿದರು.

  ಒಂದು ತಿಂಗಳ ರಮ್ ಝಾನ್ ಕಠಿಣ ಉಪವಾಸದ ಬಳಿಕ ಇಲ್ಲಿಯ ಮುಸ್ಲಿಂ ಬಾಂಧವರು ಇಂದು ಸಂಭ್ರಮದಿಂದಲೇ ಈದ್ ಹಬ್ಬವನ್ನು ಆಚರಿಸುತ್ತಿದ್ದಾರೆ. ಹೊಸ ಉಡುಪು ಧರಿಸಿ, ಮಸೀದಿಗೆ ಹೋಗಿ ನಮಾಝ್ ಮಾಡಿ, ದಾನ ಧರ್ಮಗಳನ್ನು ನೆರವೇರಿಸಿ, ಮನೆಯಲ್ಲಿ ವಿಶೇಷ ರೀತಿಯ ತಿಂಡಿ ತಿನಸುಗಳನ್ನು ತಯಾರಿಸಿ, ಈದ್ ಹಬ್ಬದ ಸಂಭ್ರಮ ಇಲ್ಲಿ ಜೋರಾಗಿಯೇ ನಡೆಯುತ್ತಿದೆ.