ಸರ್ಕಾರದ ಪತ್ರಿಕಾಗೋಷ್ಟಿ ಕ್ಯಾಟ್ ಫಿಲ್ಟರ್ ಆಗಿ ಪ್ರಸಾರ - ನಗೆಪಾಟಲಿಗೀಡಾದ ಪಾಕ್

•   Sat, Jun 15 2019 04:54:40 PM



• ನವದೆಹಲಿ, ಜೂ 15 (Daijiworld News/MSP): ಸ್ನ್ಯಾಪ್​​​ಚ್ಯಾಟ್​​ನಲ್ಲಿ ನಾಯಿಮರಿ, ಬೆಕ್ಕು ಅಥವಾ ಮೊಲದ ರೀತಿ ಕಾಣುವಂತೆ, ವಿವಿಧ ರೀತಿಯ ಕೂಲಿಂಗ್ ಗ್ಲಾಸಸ್​ ಧರಿಸಿರೋ ರೀತಿಯಲ್ಲಿ ಫಿಲ್ಟರ್ಸ್​ ಬಳಸಿ ಜನರು ಫನ್ನಿ ವಿಡಿಯೋಗಳನ್ನ ಮಾಡ್ತಾರೆ. ಹೊಸ ಫಿಲ್ಟರ್​​ ಬಂದಾಗಲೆಲ್ಲಾ ಜನ ಅದನ್ನ ಟ್ರೈ ಮಾಡ್ತಾರೆ. ಆದರೆ ಇದೇ ಫಿಲ್ಟರ್​​ ನಿಂದ ಪಾಕ್ ಇದೀಗ ಮುಜುಗರಕ್ಕೀಡಾಗಿದೆ.

  

  ಗಂಭೀರ ವಿಚಾರವಿರುವ ಸರ್ಕಾರಿ ಪತ್ರಿಕಾಗೋಷ್ಟಿಯಲ್ಲಿ ಕ್ಯಾಟ್ ಫಿಲ್ಟರ್ ಬಳಸಿ ಪಾಕ್ ಇದೀಗ ನಗೆಪಾಟಲಿಗೀಡಾಗಿದೆ. ಪಾಕಿಸ್ತಾನದ ಖೈಬರ್​ ಪಾಖ್ಟುನ್​ಕ್ವಾದ ಪ್ರಾಂತೀಯ ಸರ್ಕಾರ ಫೇಸ್​​ಬುಕ್​​​ನಲ್ಲಿ ಪತ್ರಿಕಾಗೋಷ್ಟಿಯನ್ನು ನೇರ​ ಪ್ರಸಾರ ಮಾಡುವ ಸಂದರ್ಭದಲ್ಲಿ , ಕ್ಯಾಟಿನ ಫಿಲ್ಟರ್​​ನೊಂದಿಗೆ ಸ್ಟ್ರೀಮಿಂಗ್ ಮಾಡಿದೆ. ಇದು ಪಿಟಿಐ ಪಕ್ಷದ ಅಧಿಕೃತ ಪೇಜ್​​ನಲ್ಲೇ ಪ್ರಸಾರವಾಗಿ ಈ ಯಡವಟ್ಟು ಕಂಡು ಜನ ಒಂದು ಕ್ಷಣ ಗೊಂದಲಕ್ಕೊಳಗಾಗಿದ್ದಾರೆ.

  ಸರ್ಕಾರದ ಪತ್ರಿಕಾಗೋಷ್ಟಿಯು ಗಾಂಭೀರ್ಯತೆಯಿಂದ ಇರುವಂಥದ್ದಾಗಿದೆ. ಆದರೆ ನೇರ ಪ್ರಸಾರದಲ್ಲಿ ರಾಜಕಾರಣಿಗಳು ಕಾರ್ಟೂನ್​​​ಗಳಂತೆ ಕಂಡು ಇದೀಗ ಎಲ್ಲೆಡೆ ಟ್ರೋಲ್ ಆಗುತ್ತಿದೆ. ರಾಜಕಾರಣಿಗಳ ಬೆಕ್ಕಿನ ಮುಖ ಕಂಡು ಜನ ಅಪಹಾಸ್ಯ ಮಾಡುತ್ತಿದ್ದಾರೆ.

  ಈ ಪತ್ರಿಕಾಗೋಷ್ಠಿಯಲ್ಲಿ ಸಚಿವ ಶೌಕತ್​ ಯೂಸಾಫ್​ಝೈ ಕ್ಯಾಬಿನೆಟ್​​ನಲ್ಲಿ ತೆಗೆದುಕೊಳ್ಳಲಾದ ನಿರ್ಣಯಗಳ ಬಗ್ಗೆ ವಿವರಿಸುತ್ತಿದ್ದರು. ಈ ಸಂದರ್ಭ ಅವರ ತಲೆ ಮೇಲೆ ಎರಡು ಕಿವಿ ಹಾಗೂ ಬೆಕ್ಕಿನ ಮೀಸೆಗಳು ಬಂದು ಕಾರ್ಟೂನ್ ಪಾತ್ರಧಾರಿಯಂತೆ ಕಂಡಿದ್ದಾರೆ. ಅವರ ಅಕ್ಕಪಕ್ಕದಲ್ಲಿ ಕುಳಿತ್ತಿದ್ದವರ ಮೇಲೂ ಈ ಇಫೆಕ್ಟ್ ಬಿದ್ದಿದೆ. ಲೈವ್​ ವೀಕ್ಷಿಸುತ್ತಿದ್ದ ಜನರು ಇದನ್ನು ಗಮನಿಸಿ ತಕ್ಷಣ ಪೇಜ್​​​ ಅಡ್ಮಿನ್​​ಗಳಿಗೆ ತಿಳಿಸಿದ್ದಾರೆ. ಕಮೆಂಟ್​​ ಮೂಲಕ, ಬೆಕ್ಕಿನ ಫಿಲ್ಟರ್​ ತೆಗೆಯಿರಿ ಎಂದು ಎಚ್ಚರಿಸಿದ್ದಾರೆ.