ಕಾರ್ಖಾನೆಯಲ್ಲಿ ಕೆಮಿಕಲ್ ಲೀಕ್: 40,000 ಜನರ ಸ್ಥಳಾಂತರಕ್ಕೆ ಕ್ಯಾಲಿಫೋರ್ನಿಯಾ ಸರ್ಕಾರ ಸೂಚನೆ

•   Sat, May 23 2026 06:48:48 PM



• ಸ್ಯಾಕ್ರಮೆಂಟೊ, ಮೇ. 23 (DaijiworldNews/AA): ಕ್ಯಾಲಿಫೋರ್ನಿಯಾದ ಗಾರ್ಡನ್ ಗ್ರೋವ್‌ನಲ್ಲಿರುವ ಏರೋಸ್ಪೇಸ್ ಪ್ಲಾಸ್ಟಿಕ್ ಕಾರ್ಖಾನೆಯ ಟ್ಯಾಂಕ್‌ನಲ್ಲಿ ಕೆಮಿಕಲ್ ಲೀಕ್ ಆಗುತ್ತಿದ್ದು, 40,000 ಜನರನ್ನು ಸ್ಥಳಾಂತರಿಸಲು ಅಲ್ಲಿನ ಸರ್ಕಾರ ಆದೇಶ ಹೊರಡಿಸಿದೆ.

  ಬೃಹತ್ ಟ್ಯಾಂಕ್‌ನಲ್ಲಿದ್ದ 22,700 - 26,500 ಲೀಟರ್ ಮೀಥೈಲ್ ಮೆಥಾಕ್ರಿಲೇಟ್ ಆವಿಯಾಗಿ ಗಾಳಿಯಲ್ಲಿ ಸೇರಿಕೊಳ್ಳುತ್ತಿದೆ. ರಾಸಾಯನಿಕ ಸೋರಿಕೆ ತಡೆಯಲು ಸಾಧ್ಯವಾಗುತ್ತಿಲ್ಲ. ಆ ಟ್ಯಾಂಕ್ ವಿಫಲಗೊಳ್ಳುತ್ತದೆ ಅಥವಾ ಸ್ಫೋಟಗೊಳ್ಳುತ್ತದೆ ಎಂದು ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ.

  ಕೆಮಿಕಲ್ ಗಾಳಿಯ ಜೊತೆ ಸೇರುತ್ತಿರುವುದರಿಂದ ಅಲ್ಲಿನ ಪರಿಸ್ಥಿತಿ ಹದಗೆಟ್ಟಿದೆ. ಈಗ ಉಳಿದಿರುವುದು ಎರಡು ಆಯ್ಕೆಗಳು ಮಾತ್ರ, ಟ್ಯಾಂಕ್ ವಿಫಲ ಗೊಳಿಸುವುದು ಅಥವಾ ಅದಾಗೇ ಸ್ಫೋಟಗೊಳ್ಳುವುದು. ಈ ಎರಡಕ್ಕೂ ನಾವು ತಯಾರಿ ಮಾಡಿಕೊಂದ್ದೇವೆ. ಈಗಾಗಲೇ ಜನರ ಸ್ಥಳಾಂತರ ಮಾಡಲಾಗುತ್ತಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  12ಕ್ಕೂ ಹೆಚ್ಚು ಶಾಲೆಗಳು ತಾತ್ಕಾಲಿಕವಾಗಿ ಮುಚ್ಚಲಾಗಿದೆ. ಅಧಿಕಾರಿಗಳು ಆರಂಭದಲ್ಲಿ ಗುರುವಾರ ಜನರನ್ನು ಸ್ಥಳಾಂತರಿಸುವ ಆದೇಶ ಹೊರಡಿಸಿದ್ದರು. ಪರಿಸ್ಥಿತಿ ಸುಧಾರಿಸಿದಾಗ ಆ ಆದೇಶಕ್ಕೆ ತಡೆ ನೀಡಲಾಗಿತ್ತು. ಮತ್ತೆ ಗ್ಯಾಸ್ ಸೋರಿಕೆಯಿಂದ ಸ್ಥಳಾಂತರಿಸುವ ಆದೇಶಗಳನ್ನು ಶುಕ್ರವಾರ ಪುನಃ ಅಧಿಕಾರಿಗಳು ಹೊರಡಿಸಿದ್ದಾರೆ.