ಮದೀನಾ ಬಳಿ ಭೀಕರ ರಸ್ತೆ ಅಪಘಾತ - 35 ವಿದೇಶಿಯರು ಸಾವು

•   Thu, Oct 17 2019 10:31:17 AM



• ರಿಯಾದ್, ಅ 17 (Daijiworld News/MSP): ಮುಸ್ಲಿಂರ ಪವಿತ್ರ ನಗರ ಮದೀನಾ ಬಳಿ ಬಸ್ಸೊಂದು ಬೃಹತ್ ಗಾತ್ರದ ಯಂತ್ರವೊಂದಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಮೂವತ್ತೈದು ವಿದೇಶಿಯರು ಸಾವನ್ನಪ್ಪಿ ನಾಲ್ವರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಸೌದಿ ಪತ್ರಿಕಾ ಸಂಸ್ಥೆಗೆ ಮದೀನಾ ಪೊಲೀಸರ ಅಧಿಕೃತ ವಕ್ತಾರರು ಗುರುವಾರ ತಿಳಿಸಿದ್ದಾರೆ.

  

  ಸಾಂದರ್ಭಿಕ ಚಿತ್ರ

  ಮದಿನಾ ಪ್ರದೇಶದ ಅಲ್ ಅಕಲ್ ಕೇಂದ್ರದ ಖಾಸಗಿ ಒಡೆತನದ ಬಸ್ಸು ಭಾರೀ ವಾಹನ ಲೋಡರ್ ಗೆ ಢಿಕ್ಕಿ ಹೊಡೆದ ಪರಿಣಾಮ ಅಪಘಾತ ನಡೆದಿದ್ದು ಬಸ್ಸಿನಲ್ಲಿದ್ದ ವಿದೇಶಿ ಪ್ರಯಾಣಿಕರೆಲ್ಲರೂ ಮುಸ್ಲಿಂರ ಪವಿತ್ರ ನಗರ ಮದಿನಾಕ್ಕೆ ಧಾರ್ಮಿಕ ಪ್ರವಾಸ ಕೈಗೊಂಡಿದ್ದರು.

  ಬಸ್ ನಲ್ಲಿದ್ದವರು ಅರಬ್ ಮತ್ತು ಏಷ್ಯನ್ ಪ್ರಯಾಣಿಕರು ಎಂದು ತಿಳಿದುಬಂದಿದೆ. ಗಾಯಗೊಂಡವರನ್ನ ಅಲ್-ಹಮ್ನಾ ಆಸ್ಪತ್ರೆಗೆ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆ ಕುರಿತು ಸಂಬಂಧಿಸಿದ ಅಧಿಕಾರಿಗಳು ತನಿಖೆಯನ್ನು ಪ್ರಾರಂಭಿಸಿದ್ದಾರೆ.