ಅಮೆರಿಕ ಸೇನೆಯಿಂದ ಐಸಿಸ್ ಮುಖ್ಯಸ್ಥ ಅಬೂಬಕರ್ ಅಲ್ ಬಾಗ್ದಾದಿ ಫಿನಿಶ್?

•   Sun, Oct 27 2019 12:07:38 PM



• ಅಮೆರಿಕಾ,ಅ 27 (Daijiworld News/MSP): ಅಮೆರಿಕ ಸೇನೆ ಉತ್ತರ ಸಿರಿಯಾದಲ್ಲಿ ನಡೆಸಿದ ರಹಸ್ಯ ಕಾರ್ಯಾಚರಣೆಯಲ್ಲಿ ಐಸಿಸ್ ಭಯೋತ್ಪಾದಕ ಸಂಘಟನೆ ಮುಖ್ಯಸ್ಥ ಅಬೂಬಕರ್ ಅಲ್ ಬಾಗ್ದಾದಿಯನ್ನು ಹೊಡೆದುರುಳಿಸಲಾಗಿದೆ ಎಂದು ಬ್ಲೂಮ್ ಬರ್ಗ್ ಜಾಲತಾಣ ವರದಿ ಮಾಡಿದೆ.

  

  ಅಮೆರಿಕ ವಿಶೇಷ ಪಡೆಗಳು ನಡೆಸಲಾದ ರಹಸ್ಯ ಕಾರ್ಯಾಚರಣೆ ಇದಾಗಿದ್ದು ಉತ್ತರ ಸಿರಿಯಾದ ಇಬ್ಲಿಬ್ ಪಾಂತ್ರ್ಯದಲ್ಲಿ, ಐಸಿಸ್ ಭಯೋತ್ಪಾದಕ ಸಂಘಟನೆ ಮುಖ್ಯಸ್ಥ ಅಬೂಬಕರ್ ಹತನಾಗಿದ್ದಾನೆ ಎನ್ನಲಾಗಿದೆ. ಈ ನಡುವೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮಾಡಿರುವ ಟ್ವೀಟ್ ಗಮನಸೆಳೆದಿದೆ. ಮಹತ್ವದ ಘಟನೆ ಸಂಭವಿಸಿದೆ ಎನ್ನುವಂತೆ ಟ್ರಂಪ್ ಟ್ವೀಟ್ ಮಾಡಿದ್ದಾರೆ. ಕಾರ್ಯಾಚರಣೆ ಬಗ್ಗೆ ಡೊನಾಲ್ಡ್ ಟ್ರಂಪ್ ಹೇಳಿಲ್ಲ.

  ಆದರೆ, ಇಂದು ಏನೋ ಒಂದು ದೊಡ್ಡ ಸಂಗತಿ ಸಂಭವಿಸಿದೆ ಎಂದು ಅವರು ಹೇಳಿರುವುದು ಅಮೆರಿಕ ಸೇನೆ ನಡೆಸಿದ ಕಾರ್ಯಾಚರಣೆ ಕುರಿತಾದ ಮಾಹಿತಿ ಇರಬಹುದೆಂದು ಹೇಳಲಾಗಿದೆ. ಒಂದು ವೇಳೆ ಅಮೆರಿಕಾದ ಸೇನಾ ಮೂಲಗಳು ಹೇಳುತ್ತಿರುವಂತೆ ಬಾಬ್ದಾದಿ ಸೆರೆ ಅಥವಾ ಹತ್ಯೆಯಾದರೆ 2011 ರ ಒಸಾಮಾ ಬಿನ್ ಲಾಡೆನ್ ಹತ್ಯೆಯ ನಂತರ ಇದು ಅಮೆರಿಕಾ ಪಡೆಗಳ ದೊಡ್ಡ ಬೇಟೆ ಎನಿಸಿಕೊಳ್ಳಲಿದೆ.