ಅಫ್ಘಾನಿಸ್ಥಾನದ ಸೇನೆಯಿಂದ ಮಹತ್ವದ ಕಾರ್ಯಾಚರಣೆ - 11 ಉಗ್ರರು ಹತ

•   Tue, Oct 29 2019 02:36:23 PM



• ನಂಗರ್ಹಾರ್, ಅ.29(Daijiworld News/SS): ಅಫ್ಘಾನಿಸ್ಥಾನದ ಸೇನೆ 11 ತಾಲಿಬಾನ್ ಉಗ್ರರನ್ನು ಕೊಂದು, ಎಂಟು ಉಗ್ರರನ್ನು ಬಂಧಿಸಿದ ಘಟನೆ ಪೂರ್ವ ಅಫ್ಘಾನ್'ನ ನಂಗರ್ಹಾರ್'ನಲ್ಲಿ ನಡೆದಿದೆ.

  

  ಮಹತ್ವದ ಕಾರ್ಯಾಚರಣೆಯಲ್ಲಿ ಬಲಿಲ್ ಖೇರ್ ಪ್ರದೇಶದಲ್ಲಿ ತಾಲಿಬಾನ್ ಉಗ್ರರ ಯುದ್ದ ಸಾಮಾಗ್ರಿ ಶಿಬಿರವನ್ನು ಪತ್ತೆ ಹಚ್ಚಿ ದಾಳಿ ಮಾಡಿದ್ದು, ಭಾರಿ ಪ್ರಮಾಣದಲ್ಲಿ ಯುದ್ದ ಸಾಮಾಗ್ರಿಗಳು, ಬಂದೂಕುಗಳು, ಎರಡು ಮೋಟಾರ್ ಬೈಕ್'ನ್ನು ನಾಶ ಮಾಡಲಾಗಿದೆ ಎಂದು ಸಂಸ್ಥೆ ಹೇಳಿದೆ.

  ಅಪ್ಘಾನಿಸ್ಥಾನದ ರಾಷ್ಟ್ರೀಯ ರಕ್ಷಣಾ ನಿರ್ದೇಶನಾಲಯದ ಅಧಿಕಾರಿಗಳು ಈ ಬಗ್ಗೆ ಮಾಹಿತಿ ಬಹಿರಂಗಪಡಿಸಿದ್ದು, ಘಟನೆಯಲ್ಲಿ ಭಾರಿ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದಿದ್ದಾರೆ.