ಬಸ್‌ ಮತ್ತು ಟ್ರಕ್‌ ಡಿಕ್ಕಿ- ಭಾರತೀಯ ಪ್ರವಾಸಿ ಸೇರಿ 6 ಮಂದಿ ಮೃತ್ಯು

•   Sun, Dec 29 2019 01:36:48 PM



• ಕೈರೋ, ಡಿ 29(Daijiworld News/PY) : ಬಸ್‌ ಅಪಘಾತವೊಂದರಲ್ಲಿ ಭಾರತ ಹಾಗೂ ಮಲೇಷ್ಯಾದ ಪ್ರವಾಸಿಗರು ಸೇರಿದಂತೆ 6 ಮಂದಿ ಮೃತಪಟ್ಟಿರುವ ಘಟನೆ ಈಜಿಫ್ಟ್‌ನಲ್ಲಿ ನಡೆದಿದೆ.

  

  ಈ ಅಪಘಾತದಲ್ಲಿ ಕನಿಷ್ಟ 24 ಮಂದಿ ಗಾಯಗೊಂಡಿದ್ದಾರೆ ಎಂದು ತಿಳಿದುಬಂದಿದೆ.

  ಕೆಂಪು ಸಮುದ್ರದಲ್ಲಿರುವ ಎಯ್ನ ಸೊಖಾನಾ ರೆಸಾರ್ಟ್‌ಗೆ ಪ್ರವಾಸಿಗರನ್ನು ಕರೆದುಕೊಂಡು ಹೋಗುತ್ತಿದ್ದ ಬಸ್ಸೊಂದು ಪೂರ್ವ ಕೈರೋದಲ್ಲಿ ಟ್ರಕ್‌ಗೆ ಡಿಕ್ಕಿ ಹೊಡೆದಿದ್ದು, ಘಟನೆಯಲ್ಲಿ ಮಲೇಷ್ಯಾದ ಇಬ್ಬರು ಮಹಿಳಾ ಪ್ರವಾಸಿಗರು, ಒಬ್ಬ ಭಾರತದ ಪ್ರವಾಸಿ, ಬಸ್‌ ಚಾಲಕ, ಪ್ರವಾಸಿ ಗೈಡ್‌ ಹಾಗೂ ಭದ್ರತಾ ಪಡೆಯ ಸಿಬ್ಬಂದಿಯೊಬ್ಬ ಮೃತಪಟ್ಟಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.