ಇರಾನ್‌ನಿಂದ ಪ್ರತೀಕಾರ - ಅಮೆರಿಕಾ ವಾಯುನೆಲೆಗಳ ಮೇಲೆ ಕ್ಷಿಪಣಿ ದಾಳಿ

•   Wed, Jan 08 2020 09:14:59 AM



• ಬಾಗ್ದಾದ್, ಜ 8 (Daijiworld News/MB) : ಇರಾನ್‌ ಸೇನಾಧಿಕಾರಿ ಖಾಸಿಂ ಸೋಲೆಮನಿಯನ್ನು ಅಮೆರಿಕಾ ದಾಳಿ ನಡೆಸಿ ಹತ್ಯೆ ಮಾಡಿದ ಬಳಿಕ ಇರಾನ್‌ - ಅಮೆರಿಕಾ ನಡುವೆ ಯುದ್ಧದ ವಾತಾವರಣವಿದ್ದು ಈಗ ಇರಾಕ್‌ನಲ್ಲಿರುವ ಅಮೆರಿಕಾ ವಾಯುನೆಲೆಗಳ ಮೇಲೆ ಇರಾನ್ ಕ್ಷಿಪಣಿ ದಾಳಿ ನಡೆಸಿದೆ.

  

  ಮಂಗಳವಾರ ಸಂಜೆ ಸುಮಾರು 5:30 ಗಂಟೆಗೆ ಇರಾನ್‌ 12ಕ್ಕೂ ಹೆಚ್ಚು ಮಿಸೈಲ್ ಗಳನ್ನು ಹಾರಿಸಿದ್ದು ಈ ದಾಳಿಯನ್ನು ಇರಾಕ್ ನಲ್ಲಿರುವ ಅಮೆರಿಕಾ ಸೇನಾ ನೆಲೆಗಳ ಮೇಲೆ ಗುರಿಯಿಟ್ಟು ಮಾಡಲಾಗಿದೆ ಎಂದು ವರದಿಯಾಗಿದೆ.

  ಈ ಕುರಿತು ಖಚಿತವಾದ ಮಾಹಿತಿ ಲಭಿಸಿದೆ. ಇರಾಕ್‌ ಹಾಗೂ ಅಮೆರಿಕಾ ಜಂಟಿಯಾಗಿ ಬಳಕೆ ಮಾಡುವ ವಾಯುನೆಲೆಯನ್ನು ಇರಾನ್‌ ಗುರಿಮಾಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ದಾಳಿಯಿಂದಾದ ಪರಿಣಾಮದ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.