ಇರಾನ್‌ ಅಮೆರಿಕ ಸಂಘರ್ಷ- ಮುಂದುವರಿದ ರಾಕೆಟ್‌ ದಾಳಿ

•   Thu, Jan 09 2020 10:21:41 AM



• ಬಾಗ್ದಾದ್, ಜ 9 (Daijiworld News/MB) : ಬುಧವಾರ ರಾತ್ರಿ ಯುಎಸ್ ಮಿಷನ್ ಸೇರಿದಂತೆ ವಿದೇಶಿ ರಾಯಭಾರ ಕಚೇರಿಗಳು ಇರುವ ಉನ್ನತ-ಭದ್ರತಾ ಸ್ಥಳವಾದ ಇರಾಕ್ ರಾಜಧಾನಿಯ ಹಸಿರು ವಲಯದ ಮೇಲೆ ಎರಡು ರಾಕೆಟ್‌ಗಳು ಬಂದು ಅಪ್ಪಳಿಸಿವೆ ಎಂದು ಮಾಧ್ಯಮಗಳು ವರದಿ ಮಾಡಿದೆ.

  

  ಅಮೇರಿಕಾ ರಾಯಭಾರ ಕಚೇರಿ ಸೇರಿದಂತೆ, ಇನ್ನೆರಡು ದೇಶಗಳ ರಾಯಭಾರಿ ಕಚೇರಿ ಇರುವ ಹಸಿರು ವಲಯಕ್ಕೆ ಎರಡು ರಾಕೆಟ್ ಗಳು ಬಿದ್ದಿವೆ ಎಂದು ಇರಾಕ್ ಮಿಲಿಟರಿ ಖಚಿತಪಡಿಸಿದೆ.

  ಇರಾನ್‌, ಇರಾಕ್ ವಾಯುನೆಲೆಯಲ್ಲಿರುವ ಅಮೆರಿಕ ಪಡೆಗಳ ಮೇಲೆ 12ಕ್ಕೂ ಅಧಿಕ ಮಿಸೈಲ್ಸ್‌ ದಾಳಿ ಮಾಡಿದ 24 ಗಂಟೆಗಳಲ್ಲಿ ಎರಡು ರಾಕೆಟ್ ಗಳು ಇರಾಕ್ ನ ರಾಜಧಾನಿ ಬಾಗ್ದಾದ್‌ಗೆ ಬಂದು ಅಪ್ಪಳಿಸಿದ್ದು ಈ ಘಟನೆಯಲ್ಲಿ ಯಾವುದೇ ಸಾವು ನೋವು ಉಂಟಾಗಿರುವ ಬಗ್ಗೆ ವರದಿಯಾಗಿಲ್ಲ. ಹಾಗೆಯೇ ಅಮೆರಿಕ ಶ್ವೇತಭವನದಿಂದ ಈ ಕುರಿತು ಯಾವುದೇ ಅಧಿಕೃತ ಹೇಳಿಕೆ ಬಂದಿಲ್ಲ.