ಅಮೆರಿಕಾದಲ್ಲಿ ನಾಪತ್ತೆಯಾಗಿದ್ದ ಭಾರತೀಯ ಮಹಿಳೆಯ ಶವ ಕಾರು ಡಿಕ್ಕಿಯಲ್ಲಿ ಪತ್ತೆ

•   Fri, Jan 17 2020 03:21:59 PM



• ಚಿಕಾಗೋ, ಜ 17 (Daijiworld News/ MB) : ಭಾರತೀಯ ಮೂಲದ ಮಹಿಳೆ ಎರಡು ವಾರಗಳ ಹಿಂದೆ ನಾಪತ್ತೆಯಾಗಿದ್ದು ಈಗ ಕಾರಿನ ಡಿಕ್ಕಿನಲ್ಲಿ ಪತ್ತೆಯಾದ ಘಟನೆ ಅಮೇರಿಕಾದ ಚಿಕಾಗೋದ ಇಲಿಯಾನ್ಸ್ ನಲ್ಲಿ ನಡೆದಿದೆ.

  

  ಸುರೀಲ್ ಡಾಬಾವಾಲ (34) ತನ್ನ ಕಾರಿನಲ್ಲೇ ಶವವಾಗಿ ಪತ್ತೆಯಾದ ಮಹಿಳೆ. ಸುರೀಲ ಡಾಬಾವಾಲ ಚಿಕಾಗೋ ವಿಶ್ವವಿದ್ಯಾಲಯದಲ್ಲಿ ಎಂಬಿಎ ಪದವಿ ಪಡೆದಿದ್ದು ತನ್ನ ತಂದೆಯ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದರು.

  30ರಿಂದ ಸುರೀಲ ಡಾಬಾವಾಲ ಅವರು ನಾಪತ್ತೆಯಾಗಿದ್ದು ಈ ಬಗ್ಗೆ ಜನವರಿ ಒಂದರಂದು ಪ್ರಕರಣ ದಾಖಲು ಮಾಡಲಾಗಿತ್ತು. ಜಿಮ್‌ಗೆ ಹೋಗಿದ್ದ ಸುರೀಲ ಡಾಬಾವಾಲ ಅಲ್ಲಿಂದ ತನ್ನ ಕಾರಿನಲ್ಲಿ ತೆರಳಿದ್ದು ಆ ಬಳಿಕ ನಾಪತ್ತೆಯಾಗಿದ್ದರು.

  ಪೊಲೀಸರು ಈ ಪ್ರಕರಣದ ತನಿಖೆ ನಡೆಸಿ ಮಹಿಳೆಯ ಕಾರನ್ನು ಚಿಕಾಗೋದ ಗ್ಯಾರಿಫೀಲ್ಡ್ ಪಾರ್ಕ್ ನಲ್ಲಿ ಪತ್ತೆ ಹಚ್ಚಿದ್ದಾರೆ. ಈ ಸಂದರ್ಭದಲ್ಲಿ ಕಾರಿನ ಡಿಕ್ಕಿ ತೆರೆದು ನೋಡಿದಾಗ ಹೊದಿಕೆಯಿಂದ ಸುತ್ತಿರುವ ಸುರೀಲ ಡಾಬಾವಾಲ ಅವರ ಶವ ಅದರಲ್ಲಿ ಪತ್ತೆಯಾಗಿದೆ.