ಹಾಲಿವುಡ್‌ನ ದಂತಕಥೆ ನಟ ಕಿರ್ಕ್ ಡೌಗ್ಲಾಸ್ ವಿಧಿವಶ

•   Thu, Feb 06 2020 10:33:02 AM



• ನ್ಯೂಯಾರ್ಕ್, ಫೆ 6 (Daijiworld News/MSP): ಹಾಲಿವುಡ್‌ನ ದಂತಕಥೆ ನಟ ಕಿರ್ಕ್ ಡೌಗ್ಲಾಸ್ ಅವರು ವಿಧಿವಶರಾಗಿದ್ದಾರೆ. ಅವರಿಗೆ 103 ವರ್ಷ ವಯಸ್ಸಾಗಿತ್ತು. ಕಿರ್ಕ್ ಡೌಗ್ಲಾಸ್ ನಿಧನವನ್ನು ಖಚಿತಪಡಿಸಿರುವ ಅವರ ಮಗನಾದ ಆಸ್ಕರ್ ಪ್ರಶಸ್ತಿ ವಿಜೇತ ನಟ ಮೈಕಲ್ ಡೌಗ್ಲಾಸ್ " ಕಿರ್ಕ್ ಡೌಗ್ಲಾಸ್ ಇಂದು ನಮ್ಮನ್ನು ತೊರೆದಿದ್ದಾರೆ ಎಂದು ನನ್ನ ಸಹೋದರರು ಮತ್ತು ನಾನು ತೀವ್ರ ದುಃಖದಿಂದ ಪ್ರಕಟಿಸುತ್ತಿದ್ದೇವೆ” ಎಂದು ಹೇಳಿಕೆ ನೀಡಿದ್ದಾರೆ.

  

  ಕಿರ್ಕ್ 6 ದಶಕಗಳ ಕಾಲ ಹಾಲಿವುಡ್ ಆಳಿದ್ದು ಹಾಲಿವುಡ್ ನ ಸುವರ್ಣಯುಗದ ಕಾಲದಲ್ಲಿ ಮೆರೆದಾಡಿದ್ದರು. ಇವರು 90ಕ್ಕೂ ಹೆಚ್ಚು ಚಿತ್ರಗಳಗಳಲ್ಲಿ ಅಭಿನಯಿಸಿದ್ದರು. 1950ರ ಮತ್ತು 60ರ ಅತೀ ದೊಡ್ಡ ಬಾಕ್ಸ್ ಆಫಿಸ್ ಹಿಟ್ ಗಳಾದ ಸ್ಪಾರ್ಟಕಸ್, ದಿ ವಿಕಿಂಗ್ಸ್ ಗಳಿಂದ ಕಿರ್ಕ್ ಡೌಗ್ಲಾಸ್ ಜನಪ್ರಿಯತೆಯ ತುತ್ತ ತುದಿಯನ್ನು ತಲುಪಿದ್ದರು.

  ಡಿಸೆಂಬರ್ 9, 1916 ಆಮ್ಸ್ಟರ್ಡ್ಯಾಮ್, ನ್ಯೂಯಾರ್ಕ್ ನಲ್ಲಿ ಅವರು ಜನಿಸಿದ್ದರು

  ಕಿರ್ಕ್ ಡೌಗ್ಲಾಸ್ ಅವರು ತುಂಬು ಜೀವನ ಜೀವಿಸಿದ್ದಾರೆ, ಅವರನ್ನು ನನ್ನ ತಂದೆ ಎನ್ನಲು ನನಗೆ ಹೆಮ್ಮೆಯಿದೆ ಎಂದು ಮೈಕಲ್ ಹೇಳಿದ್ದಾರೆ.