ಚೀನಾದ ಜೈಲುಗಳಿಗೂ ಲಗ್ಗೆ ಇಟ್ಟ ಮಹಾಮಾರಿ ಕೊರೋನಾ ವೈರಸ್‌‌.!

•   Fri, Feb 21 2020 04:39:49 PM



• ಬೀಜಿಂಗ್, ಫೆ.21 (DaijiworldNews/PY): ಮಹಾಮಾರಿ ಕೊರೋನಾ ವೈರಸ್‌‌ನಿಂದ ಚೀನಾ ನಲುಗಿ ಹೋಗಿದ್ದು, ಈ ನಡುವೆ ಈ ಮಹಾಮಾರಿ ವೈರಸ್‌‌‌ ಜೈಲುಗಳಿಗೆ ಲಗ್ಗೆ ಇಟ್ಟಿದ್ದು, ಕೈದಿಗಳಲ್ಲಿ ಆತಂಕ ಸೃಷ್ಠಿಮಾಡಿದೆ.

  

  ಈಗಾಗಲೇ ಮಾಹಾಮಾರಿ ಕೊರೋನಾ ವೈರಸ್‌‌‌ನಿಂದ 2,236 ಜನರು ಮೃತಪಟ್ಟಿದ್ದಾರೆ. ಚೀನಾದ ಕ್ಸಿನ್ ಜಿಯಾಂಗ್ ಉಯಿಗುರ್ ಅಟೋನೋಮಸ್ ಪ್ರದೇಶದಲ್ಲಿರುವ ಜೈಲುಗಳಲ್ಲಿ ಅಪಾರ ಸಂಖ್ಯೆಯಲ್ಲಿ ಕೈದಿಗಳಿದ್ದು, ಅವರಲ್ಲಿ ಆತಂಕ ಶುರುವಾಗಿದೆ ಎಂದು ವರದಿ ತಿಳಿಸಿದೆ.

  ಸರ್ಕಾರದ ಮಾಹಿತಿ ಪ್ರಕಾರ, ಸುಮಾರು 450 ಕೈದಿಗಳಿಗೆ ಹಾಗೂ ಪೊಲೀಸರಿಗೆ ಕೊರೊನಾ ವೈರಸ್ ತಗುಲಿದ್ದು, ಹುಬೈ ಪ್ರಾಂತ್ಯದ ಜೈಲು ಸೇರಿದಂತೆ ಹಲವು ಜೈಲುಗಳಲ್ಲಿ ಕೊರೊನಾ ಭೀತಿ ಹೆಚ್ಚಾಗಿದೆ ಎಂದು ತಿಳಿಸಿದೆ..

  ಹುಬೈ ಪ್ರದೇಶದಲ್ಲಿ 220 ಕೋವಿಡ್ -19 ಪ್ರಕರಣಗಳು ದಾಖಲಾಗಿ್ದ್ದು, ದೇಶಾದ್ಯಂತ ಕೊರೊನಾ ವೈರಸ್‌‌ನಿಂದ ಸಾವನ್ನಪ್ಪಿದವರ ಅಂಕಿ-ಅಂಶ ತೆಗೆದುಕೊಳ್ಳಲಾಗಿದೆ. ಆದರೆ ಜೈಲುಗಳಲ್ಲಿ ಕೊರೊನಾ ವೈರಸ್‌ಗೆ ಎಷ್ಟು ಮಂದಿ ತುತ್ತಾದವರು ಎಂಬ ಅಂಕಿ ಅಂಶ ತೆಗೆದುಕೊಂಡಿಲ್ಲ ಎಂದು ನ್ಯಾಷನಲ್ ಹೆಲ್ತ್ ಕಮಿಷನ್ ಅಧಿಕಾರಿಗಳ ವರದಿ ತಿಳಿಸಿದೆ.

  ಫೆ.20 ಗುರುವಾರ ರಾತ್ರಿ 120 ಮಂದಿ ಸಾವನ್ನಪ್ಪಿದ್ದು ಇದರೊಂದಿಗೆ ಚೀನಾದಲ್ಲಿ ಕೊರೊನಾ ವೈರಸ್‌‌ಗೆ ಸಾವನ್ನಪ್ಪಿದ್ದವರ ಸಂಖ್ಯೆ 2,239ಕ್ಕೆ ಏರಿಕೆಯಾಗಿದ್ದು, ಸುಮಾರು 75 ಸಾವಿರಕ್ಕೂ ಅಧಿಕ ಜನರು ಕೊರೋನಾ ವೈರಸ್‌‌ಗೆ ತುತ್ತಾಗಿದ್ದಾರೆ ಎಂದು ವರದಿ ತಿಳಿಸಿದೆ.