ಕೊರೊನಾ - ಚೀನಾವನ್ನು ಹಿಂದಿಕ್ಕಿದ ಅಮೆರಿಕ

•   Fri, Mar 27 2020 09:51:43 AM



• ವಾಷಿಂಗ್ಟನ್‌ ಡಿಸಿ, ಮಾ.27 (DaijiworldNews/PY) : ಅಮೆರಿಕ ಜಗತ್ತಿನಲ್ಲೇ ಅತೀ ಹೆಚ್ಚು ಕೊರೊನಾ ಸೋಂಕಿತರನ್ನು ಹೊಂದಿದ್ದು, ಚೀನಾವನ್ನು ಹಿಂದಿಕ್ಕಿದೆ. ಅಮೆರಿಕದಲ್ಲಿ ಸದ್ಯಕ್ಕೆ 82404 ಮಂದಿ ಸೋಂಕಿತರಿದ್ದಾರೆ.

  

  ಈ ಮಾಹಿತಿಯನ್ನು ಕೊರೊನಾ ಕುರಿತ ಅಂಖಿ ಅಂಶ ಸಂಖ್ಯೆಗಳನ್ನು, ವಿವರಗಳನ್ನು ನೀಡುವ ಜಾನ್ಸ್‌ ಹಾಕಿನ್ಸ್‌ ವಿಶ್ವವಿದ್ಯಾಲಯದ ವೆಬ್‌ಸೈಟ್‌ನಲ್ಲಿ ಬಹಿರಂಗವಾಗಿದೆ.

  ಗಮನಿಸಬೇಕಾದ ಪ್ರಮುಖ ವಿಷಯವೇನೆಂದರೆ, ಅಮೆರಿಕ ಕೊರೊನಾ ವೈರಸ್‌ ಪತ್ತೆ ಪರೀಕ್ಷೆಗೆ ಅತಿ ದೊಡ್ಡ ಸಂಖ್ಯೆಯಲ್ಲಿ ಜನರನ್ನು ಒಳಪಡಿಸುತ್ತಿದೆ. ಇದು ಕೊರೊನಾ ಸೋಂಕಿತ ಯಾವುದೇ ರಾಷ್ಟ್ರಗಳಲ್ಲಿ ನಡೆಯುತ್ತಿರುವ ಪರೀಕ್ಷೆಗಿಂತಲೂ ದೊಎಎ ಪ್ರಮಾಣದ್ದಾಗಿದೆ.

  ಈವರೆಗೆ ನಾವು 3.70 ಲಕ್ಷ ಮಂದಿಯನ್ನು ಪರೀಕ್ಷೆ ಮಾಡಿದ್ದೇವೆ. ಕೇವಲ 8 ದಿನಗಳಲ್ಲಿ 2.20 ಲಕ್ಷ ಮಂದಿಯನ್ನು ಪರೀಕ್ಷಿಸಿದ್ದೇವೆ. ಬೇರೆ ದೇಶಗಳು 8 ದಿನಗಳಲ್ಲಿ ಮಾಡಿದ್ದೇವೆ. ಎಂಬುದಾಗಿ ಕೊರೊನಾ ವೈರಸ್‌ ಪ್ರತಿಕ್ರಿಯೆಗಳಿಗೆ ವೈಟ್‌ ಹೌಸ್‌ನಲ್ಲಿ ನಿಯೋಜನೆಗೊಂಡಿರುವ ಡಾ. ಡಿಬೋರಾ ಬ್ರಿಕ್ಸ್‌ ತಿಳಿಸಿದ್ದಾರೆ.

  ಕ್ಷಿಪ್ರವಾಗಿ ಕೊರೊನಾ ವೈರಸ್‌ ವಿರುದ್ದ ದೊಡ್ಡ ಮಟ್ಟದಲ್ಲಿ ಹೋರಾಟ ನಡೆಸುತ್ತಿದ್ದರೂ ಸೋಂಕಿನ ಪ್ರಮಾಣ ಮಾತ್ರ ಅಮೆರಿಕದಲ್ಲಿ ವ್ಯಾಪಿಸುತ್ತಲೇ ಇದೆ. ಹಾಗಾಗಿ ಚೀನಾವನ್ನು ಅಮೆರಿಕ ಹಿಂದಿಕ್ಕಿ ಮುಂದೆ ಬಂದಿದೆ. ಚೀನಾದ ಒಟ್ಟು ಸೋಂಕಿತರ ಸಂಖ್ಯೆ 81782. ಇದಕ್ಕೆ ಪ್ರತಿಯಾಗಿ ಅಮೆರಿಕ 82404 ಸೋಂಕಿತರಿದ್ದಾರೆ.

  ಈವರೆಗೆ ಅಮೆರಿಕದಲ್ಲಿ ಸೋಂಕಿನಿಂದಾಗಿ 1300 ಜನ ಸಾವನ್ನಪ್ಪಿದ್ದಾರೆ. ಇದೇ ಸಂದರ್ಭ 62013 ಮಂದಿ ಸೋಂಕಿಗೀಡಾಗಿದ್ದು, 8215ಮಂದಿ ಸಾವನ್ನಪ್ಪಿದ್ದಾರೆ.