ಮನೆಯಲ್ಲಿಯೇ ಐಸೋಲೇಷನ್‌ನಲ್ಲಿದ್ದು ಹಾಡುತ್ತಿರುವ ವೃದ್ದ - ವಿಡಿಯೋ ವೈರಲ್‌

•   Mon, Mar 30 2020 01:26:40 PM



• ಲಂಡನ್, ಮಾ.30 (DaijiworldNews/PY) : ಕೊರೊನಾ ವ್ಯಾಪಿಸದಂತೆ ಮುಂಜಾಗ್ರತಾ ಕ್ರಮವಾಗಿ ಮನೆಯಲ್ಲಿಯೇ ಐಸೋಲೇಷನ್‌ನಲ್ಲಿರುವ 92 ವರ್ಷದ ವೃದ್ದರೋರ್ವರು ಹಾಡಿರುವ ಹಾಡು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್‌ ಆಗಿದೆ. ಬ್ರಿಟನ್‌ನ್‌ನ ಬರ್ಮಿಂಗ್ಯ್ಹಾಮ್‌ನ ನಿವಾಸಿ ಆರ್ಥರ್‌ ಕುಕ್‌ ಎಂಬವರು ಮನೆಯಲ್ಲಿಯೇ ಕುಳಿತುಕೊಂಡು ಹಾಡುತ್ತಿರುವ ವಿಡಿಯೋ ಇದಾಗಿದೆ.

  

  ಮಾಧ್ಯಮವೊಂದರ ಪ್ರಕಾರ, ಈ ವಿಡಿಯೋವನ್ನು ಆರ್ಥರ್‌ ಕುಕ್‌ ಅವರ ಮಗಳು ಕರೋಲ್‌ ಆನ್‌ ಸ್ಮಿತ್‌ ಚಿತ್ತೀಕರಿಸಿ ಫೇಸ್‌ಬುಕ್‌ನಲ್ಲಿ ಅಪ್‌ಲೋಡ್‌ ಮಾಡಿದ್ದರು. ಅಪ್‌ ಲೋಡ್‌ ಮಾಡಿ ಕೆಲವೇ ಕ್ಷಣಗಳಲ್ಲಿ ಇದು ವೈರಲ್‌ ಆಗಿದೆ.

  ನಮ್ಮಪ್ಪನಿಗೆ ಹಾಡುವುದೆಂದರೆ ಇಷ್ಟ. ಸಾಮಾಜಿಕ ಅಂತರವನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತಿರುವ ಅವರು ಸಾಧ್ಯವಾಗಾಲೆಲ್ಲಾ ಹಾಡುತ್ತಾ ಇರುತ್ತಾರೆ. ಪ್ರತಿ ದಿನ ನಾರ್ಥ್‌ಫೀಲ್ಡ್‌ನಲ್ಲಿರುವ ಅಂಗಡಿಗಳಿಗೆ ಭೇಟಿ ನೀಡುವ ಅವರನ್ನು ಜನರು ಸಿಂಗಿಂಗ್‌ ಮ್ಯಾನ್‌ ಎಂದೇ ಕರೆಯುತ್ತಾರೆ ಎಂದು ಕರೋಲ್‌ ಅನ್‌ ತಿಳಿಸಿದ್ದಾರೆ.