ಕೊರೊನಾ - ಸ್ಪೇನ್‌ನಲ್ಲಿ ಒಂದೇ ದಿನ 950 ಜನರು ಸಾವು - ಜಗತ್ತಿನಾದ್ಯಂತ 1ಮಿಲಿಯನ್ ದಾಟಿದ ಸೋಂಕಿತರ ಸಂಖ್ಯೆ

•   Fri, Apr 03 2020 10:26:32 AM



• ವಾಷಿಂಗ್ಟನ್‌, ಎ.03 (DaijiworldNews/PY) : ಮಹಾಮಾರಿ ಕೊರೊನಾ ವೈರಸ್‌ ಸೋಂಕಿಗೆ ಜಗತ್ತಿನಾದ್ಯಂತ 1ಮಿಲಿಯನ್ ಜನರು ತುತ್ತಾಗಿದ್ದು, 50,000ಕ್ಕಿಂತ ಅಧಿಕ ಮಂದಿ ಮೃತಪಟ್ಟಿದ್ದಾರೆ ಎಂದು ಜಾನ್ಸ್ ಹಾಫ್‌ಕಿನ್ಸ್ ವಿಶ್ವವಿದ್ಯಾಲಯ ವರದಿ ಮಾಡಿದೆ.

  

  ಕೊರೊನಾ ಸೋಂಕಿಗೆ ಇಂದು ಬೆಳಗ್ಗೆ 7 ಗಂಟೆಯ ವೇಳೆಗೆ 1,015,466 ಜನರು ಈ ಸೋಂಕಿಗೆ ಒಳಗಾಗಿದ್ದರೆ, 53,190 ಜನರು ಸಾವನ್ನಪ್ಪಿದ್ದಾರೆ. ಸೋಂಕಿತರಲ್ಲಿ 2,12,229 ಜನರು ಗುಣವಾಗಿದ್ದಾರೆ ಎಂದು ವರದಿ ವಿವರಿಸಿದೆ.

  ಈ ಸೋಂಕಿ ಅಮೆರಿಕದಲ್ಲಿ ಹೆಚ್ಚುತ್ತಿದ್ದು, ಅತೀ ಹೆಚ್ಚು ಸೋಂಕಿತರ ದೇಶ ಎಂಬ ಕುಖ್ಯಾತಿಗೆ ಒಳಗಾಗಿದೆ. ಈ ಮಾರಣಾಂತಿಕ ಕೊರೊನಾ ವೈರಸ್‌ ಸೋಂಕಿಗೆ ಈಗಾಗಲೇ ಯುಎಸ್‌ನಲ್ಲಿ 5,926 ಜನರು ಸಾವನ್ನಪ್ಪಿದ್ದಾರೆ. ದುರಂತರವೆಂದರೆ 2,42,182 ಜನರಿಗೆ ಸೋಂಕು ತಗುಲಿರುವುದು ದೃಢಪಟ್ಟಿದೆ.

  ಕೊರೊನಾ ವೈರಸ್‌ ಸೋಂಕಿಗೆ ಸ್ಪೇನ್ ಕೂಡ ಅಕ್ಷರಶಃ ನಲುಗಿಹೋಗಿದ್ದು, ಗುರುವಾರ ಒಂದೇ ದಿನ 950 ಜನರು ಮೃತಪಟ್ಟಿದ್ದಾರೆ. ಈ ಸೋಂಕಿಗೆ 1,12,065 ಜನರು ತುತ್ತಾಗಿದ್ದಾರೆ.

  ಭಾರತದಲ್ಲಿಯೂ ಕೂಡಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, 2000ದ ಗಡಿ ದಾಟಿದೆ. ಮೃತರ ಸಂಖ್ಯೆಯೂ 53ಕ್ಕೆ ಏರಿದೆ.