ಕೊರೊನಾ ಮರಣ ಮೃದಂಗ - ಅಮೆರಿಕದಲ್ಲಿ 1,150 ಮಂದಿ 24 ಗಂಟೆಯಲ್ಲಿ ಮೃತ್ಯು

•   Tue, Apr 07 2020 09:56:26 AM



• ವಾಷಿಂಗ್ಟನ್‌, ಎ.07 (Daijiworld News/MB) : ವಿಶ್ವದ ಹಿರಿಯಣ್ಣ ಎಂದೇ ಕರೆಸಿಕೊಳ್ಳುವ ಅಮೆರಿಕ ಕೊರೊನಾ ಸೋಂಕಿನಿಂದಾಗಿ ತಲ್ಲಣಕ್ಕೆ ಒಳಗಾಗಿದ್ದು ಅಲ್ಲಿ ಸೋಂಕಿತರ ಹಾಗೂ ಸೋಂಕಿನಿಂದ ಮೃತಪಟ್ಟವರ ಸಂಖ್ಯೆ ದಿನದಿಂದ ದಿನಕ್ಕೆ ಅಧಿಕವಾಗುತ್ತಲ್ಲೇ ಇದೆ. ಸೋಮವಾರ 24 ಗಂಟೆಗಳಲ್ಲಿ ಅಮೆರಿಕದಲ್ಲಿ 1150 ಮಂದಿ ಕೋವಿಡ್‌ ಸೋಂಕಿನಿಂದ ಮೃತಪಟ್ಟಿದ್ದಾರೆ.

  

  ಅಮೆರಿಕದಲ್ಲಿ ಈವರೆಗೆ 3,68,079 ಜನರಿಗೆ ಸೋಂಕು ತಗುಲಿದ್ದು ಮೃತರ ಸಂಖ್ಯೆ 10,923 ಏರಿಕೆಯಾಗಿದೆ.

  ಸೋಮವಾರ ಅಮೆರಿಕ ಅಧ್ಯಕ್ಷ ಟ್ರಂಪ್‌ ಸೋಂಕಿತರ ಕೊರೊನಾದ ಬಗ್ಗೆ ಟ್ವೀಟ್‌ ಮಾಡಿದ್ದು ಕಣ್ಣಿಗೆ ಕಾಣದ ಈ ಶತ್ರುವಿನ ಬಗ್ಗೆ ನಾವು ಹೆಚ್ಚು ಹೆಚ್ಚು ತಿಳಿದುಕೊಳ್ಳುತ್ತಿದ್ದೇವೆ. ಅದು ಅತ್ಯಂತ ಕಷ್ಟಕರ ಮತ್ತು ಬುದ್ಧಿವಂತಿಕೆಯುಳ್ಳದ್ದು ಎಂದು ಹೇಳಿದ್ದಾರೆ.

  ಇನ್ನು ಅಮೆರಿಕದಲ್ಲಿ ಹುಲಿ ಹಾಗೂ ಬೆಕ್ಕಿನಲ್ಲಿಯೂ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದೆ.