ಕೊರೊನಾ ಮರಣ ಮೃದಂಗ - ಅಮೆರಿಕದಲ್ಲಿ 24 ಗಂಟೆಯಲ್ಲಿ 2 ಸಾವಿರ ಮಂದಿ ಮೃತ್ಯು

•   Wed, Apr 08 2020 03:59:23 PM



• ವಾಷಿಂಗ್ಟನ್, ಎ.08 (Daijiworld News/MB) : ಕೊರೊನಾ ವೈರಸ್‌ ಜಗತ್ತಿನಾದ್ಯಂತ ಮರಣ ಮೃದಂಗ ಬಾರಿಸುತ್ತಿದ್ದು ಅಮೆರಿಕಾದಲ್ಲಿ 24 ಗಂಟೆಗಳಲ್ಲಿ 2,000 ಮಂದಿ ಸಾವನ್ನಪ್ಪಿದ್ದಾರೆ. ಈ ಮೂಲಕ ವಿಶ್ವದಲ್ಲಿ ಕೊರೊನಾಗೆ ಬಲಿಯಾದವರ ಸಂಖ್ಯೆ ಇದೀಗ 82,000ಕ್ಕೆ ಏರಿಕೆಯಾಗಿದೆ.

  

  24 ಗಂಟೆಯಲ್ಲಿ ಅಮೆರಿಕದಲ್ಲಿ ಕೊರೊನಾಗೆ ಬಲಿಯಾದ 2,000 ಜನರ ಪೈಕಿ ನ್ಯೂಯಾರ್ಕ್ ವೊಂದರಲ್ಲಿಯೇ 731 ಮಂದಿ ಸಾವಿಗೀಡಾಗಿದ್ದಾರೆ. ಇದೀಗ ಅಮೆರಿಕದಲ್ಲಿ 12,393 ಮಂದಿ ಕೊರೋನಾ ಮಹಾಮಾರಿಗೆ ಬಲಿಯಾಗಿದ್ದಾರೆ.

  ಇನ್ನು ಫ್ರಾನ್ಸ್ ನಲ್ಲಿ ಸಾವನ್ನಪ್ಪಿದವರ ಸಂಖ್ಯೆ 10,000 ಗಡಿ ದಾಟಿದ್ದು ಒಂದೇ ದಿನ 1417 ಮಂದಿ ಮೃತಪಟ್ಟಿದ್ದಾರೆ.

  ಬ್ರಿಟನ್ ನಲ್ಲಿ ಮಂಗಳವಾರ ಒಂದೇ 789 ಮಂದಿ ಸಾವಿಗೀಡಾಗಿದ್ದಾರೆ. ಇದರಿಂದ ಮೃತರ ಸಂಖ್ಯೆ 6159ಕಕೆ ಏರಿಕೆಯಾಗಿದೆ. 3 ಸಾವಿರ ಸೋಂಕು ತಗುಲಿದ್ದು ಸೋಂಕಿತರ ಸಂಖ್ಯೆ 55,242ಕ್ಕೇರಿದೆ.

  ಇಟಲಿಯಲ್ಲಿ ಮಂಗಳವಾರ 609 ಮಂದಿ ಬಲಿಯಾಗಿದ್ದು ದೇಶದಲ್ಲಿ ಸೋಂಕು ಒಟ್ಟು 17,127 ಮಂದಿ ಮೃತಪಟ್ಟಿದ್ದಾರೆ. ಒಟ್ಟು 1.35 ಲಕ್ಷ ಮಂದಿ ಪೀಡಿತರಾಗಿದ್ದಾರೆ.