ಕೊರೊನಾಗೆ ಅಮೆರಿಕಾದಲ್ಲಿ ಅತಿ ಹೆಚ್ಚು ಬಲಿ - 20,577 ಮಂದಿ ಸಾವು

•   Sun, Apr 12 2020 10:33:09 AM



• ವಾಷಿಂಗ್ಟನ್‌, ಎ.12 (Daijiworld News/MB) : ಅಮೆರಿಕದಲ್ಲಿ ಕೊರೊನಾ ವೈರಸ್‌ನಿಂದ ಸಾವನ್ನಪ್ಪುವವರ ಸಂಖ್ಯೆ ತೀವ್ರ ಪ್ರಮಾಣದಲ್ಲಿ ಹೆಚ್ಚುತ್ತಿದ್ದು ಈವರೆಗೆ 20,577 ಮಂದಿ ಕೊರೊನಾಗೆ ಬಲಿಯಾಗಿದ್ದಾರೆ.

  

  ಕೊರೊನಾ ಸಾವಿನ ಸಂಖ್ಯೆಯಲ್ಲಿ ಜಗತ್ತಿನಲ್ಲೆ ಪ್ರಥಮ ಸ್ಥಾನದಲ್ಲಿರುವ ಅಮೆರಿಕದಲ್ಲಿ ಸೋಂಕಿತರ ಸಂಖ್ಯೆ 532,879 ಏರಿಕೆಯಾಗಿದ್ದು 30,453 ಮಂದಿ ಗುಣಮುಖರಾಗಿದ್ದಾರೆ.

  ಈವರೆಗೂ ಕೊರೊನಾದಿಂದಾಗಿ ಅಧಿಕ ಜನರು ಮೃತಪಟ್ಟ ಪಟ್ಟಿಯಲ್ಲಿ ಇಟಲಿ ಮೊದಲಿದ್ದು ಅಲ್ಲಿ 19,468 ಮಂದಿ ಸೋಂಕಿನಿಂದ ಮೃತಪಟ್ಟಿದ್ದಾರೆ. ಇದೀಗ ಅಮೆರಿಕಾದಲ್ಲಿ 20,577 ಮಂದಿಗೆ ಕೊರೊನಾದಿಂದಾಗಿ ಮೃತಪಟ್ಟಿದ್ದಾರೆ.

  ಇಟಲಿಯಲ್ಲಿ ಒಟ್ಟಾರೆಯಾಗಿ 1,25,271 ಜನರಲ್ಲಿ ಸೋಂಕು ದೃಢಪಟ್ಟಿದ್ದು ಭಾನುವಾರ ಅಮೆರಿಕ ಅದನ್ನು ಮೀರಿಸಿದೆ.

  ಇನ್ನು ಕೊರೊನಾ ವೈರಸ್‌ ಮೊದಲು ಪತ್ತೆಯಾದ ಚೀನಾದಲ್ಲಿ ಈ ಸೋಂಕಿನಿಂದಾಗಿ 3,339 ಜನರು ಸಾವನ್ನಿಪ್ಪಿದ್ದಾರೆ. ಅಲ್ಲಿನ ಒಟ್ಟಾರೆ ಸೋಂಕಿತರ ಸಂಖ್ಯೆ 82,052 ಆಗಿದ್ದು, 77,575 ಮಂದಿ ಗುಣಮುಖರಾಗಿದ್ದಾರೆ.