ಕೊರೊನಾಗೆ ನಲುಗಿದ ಅಮೆರಿಕಾ - 42,094 ಜನರು ವೈರಸ್‌ಗೆ ಬಲಿ

•   Tue, Apr 21 2020 11:16:26 AM



• ವಾಷಿಂಗ್ಟನ್‌, ಎ.21 (Daijiworld News/MB) : ಜಗತ್ತಿನಲ್ಲೇ ಅಧಿಕ ಜನರು ಕೊರೊನಾ ವೈರಸ್‌ನಿಂದ ಮೃತಪಟ್ಟಿರುವ ಅಮೆರಿಕಾದಲ್ಲಿ ಕೊರೊನಾಗೆ ಜನರು ಬಲಿಯಾಗುತ್ತಲ್ಲೇ ಇದ್ದು ಕಳೆದ 24 ಗಂಟೆಗಳಲ್ಲಿ 1,433 ಮಂದಿ ಸಾವನ್ನಪ್ಪಿದ್ದಾರೆ. ಆ ಮೂಲಕ ಅಮೆರಿಕಾದಲ್ಲಿ ಕೊರೊನಾದಿಂದ ಸಾವನ್ನಪ್ಪಿದವರ ಸಂಖ್ಯೆ 42,094ಕ್ಕೆ ಏರಿಕೆಯಾಗಿದೆ. ಈವರೆಗೆ 7,84,000 ಜನರಿಗೆ ಕೊರೊನಾ ಸೋಂಕು ತಗುಲಿದೆ.

  

  ನ್ಯೂಯಾರ್ಕ್‌ನಲ್ಲಿ ಅತೀ ಹೆಚ್ಚು ಕೊರೊನಾ ಪ್ರಕರಣಗಳು ದೃಢಪಟ್ಟಿದ್ದು ಕಳೆದ 24 ಗಂಟೆಗಳಲ್ಲಿ 478 ಮಂದಿ ಸಾವನ್ನಪ್ಪಿದ್ದಾರೆ. ಆದರೆ ಹಿಂದಿನ ಎರಡು ವಾರಗಳಲ್ಲಿಯೇ ಅತಿ ಕಡಿಮೆ ಸಾವಿನ ಸಂಖ್ಯೆ ಇದಾಗಿದೆ.

  ಇನ್ನು ಇಟಲಿ ಹಾಗೂ ಸ್ಪೇನ್‌ನಲ್ಲಿ 20,000ಕ್ಕೂ ಅಧಿಕ ಜನರು ಸೋಂಕಿನಿಂದ ಮೃತಪಟ್ಟಿದ್ದು ಫ್ರಾನ್ಸ್‌ನಲ್ಲಿಯೂ 20 ಸಾವಿರ ಕ್ಕೂ ಅಧಿಕ ಮಂದಿ ಕೊರೊನಾಗೆ ಬಲಿಯಾಗಿದ್ದಾರೆ.

  ವಿಶ್ವದಾದ್ಯಂತ 24,79,498 ಜನರಿಗೆ ಸೋಂಕು ತಗುಲಿದ್ದು 1,70,322 ಜನರು ಈ ಮಾರಣಾಂತಿಕ ಸೋಂಕಿಗೆ ಬಲಿಯಾಗಿದ್ದಾರೆ ಹಾಗೂ 6,12,681 ಜನ ಗುಣಮುಖರಾಗಿದ್ದಾರೆ ಎಂದು ವರದಿ ತಿಳಿಸಿದೆ.