ಹೊತ್ತಿ ಉರಿದ 47 ಮಹಡಿಗಳ ಶಾರ್ಜಾದ ಗಗನಚುಂಬಿ ಕಟ್ಟಡ

•   Wed, May 06 2020 09:17:01 AM



• ಶಾರ್ಜಾ, ಮೇ 6 (Daijiworld News/MSP): ಯುಎಇ ನಲ್ಲಿರುವ ಶಾರ್ಜಾದ 47 ಮಹಡಿಗಳ ಅತಿ ದೊಡ್ಡ ಕಟ್ಟಡಗಳ ಪೈಕಿ ಒಂದಾದ ಅಬ್ಕೋ ಟವರ್​ ಮಂಗಳವಾರ ರಾತ್ರಿ ಹೊತ್ತಿ ಉರಿದಿದೆ.

  

  ಅಲ್​ ನಹಾದಾದಲ್ಲಿರುವ ಈ ಟವರ್​ನಲ್ಲಿ ರಾತ್ರಿ ಸುಮಾರು 9 ಗಂಟೆ ಹೊತ್ತಿಗೆ ಬೆಂಕಿ ಕಾಣಿಸಿಕೊಂಡಿದೆ. ಬಾನೆತ್ತರದ ಈ ಕಟ್ಟಡ ಬರೋಬ್ಬರೀ 2 ಗಂಟೆಗಳ ಕಾಲ ಧಗಧಗ ಹೊತ್ತಿ ಉರಿದಿದೆ. ಗಗನಚುಂಬಿ ಕಟ್ಟಡ ಬೆಂಕಿ ಅನಾಹುತದಿಂದ ಅದೃಷ್ಟವಾತ್ ಯಾವುದೇ ಸಾವು ನೋವಿನ ಬಗ್ಗೆ ವರದಿಯಾಗಿಲ್ಲ.

  ಮುಗಿಲೆತ್ತರಕ್ಕೆ ಅಗ್ನಿ ಕೆನ್ನಾಲಿಗೆ ಚಾಚಿದ್ದು, ಕಟ್ಟಡದಲ್ಲಿದ್ದ ನಿವಾಸಿಗಳು ಆತಂಕಕ್ಕೆ ಒಳಗಾಗಿದ್ರು. ಕೂಡಲೇ ಸ್ಥಳಕ್ಕೆ ಆಗಮಿಸಿದ 13 ಅಗ್ನಿಶಾಮಕ ದಳ ಹಾಗೂ ಡ್ರೋನ್​ ಫೈಟರ್ಸ್​ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಇನ್ನೂ ಘಟನೆಯಲ್ಲಿ ಏಳು ಮಂದಿಗೆ ಗಾಯಗಳಾಗಿವೆ ಎನ್ನಲಾಗಿದ್ದು, ಇನ್ನಷ್ಟು ಮಾಹಿತಿ ಹೊರಬರಬೇಕಿದೆ. ಕಟ್ಟಡಕ್ಕೆ ಹೇಗೆ ಬೆಂಕಿ ಬಿತ್ತು ಅನ್ನೋದು ಕೂಡ ಇನ್ನಷ್ಟೆ ಗೊತ್ತಾಗಬೇಕಿದೆ.