ಜಗತ್ತಿನಾದ್ಯಂತ 65 ಲಕ್ಷ ದಾಟಿದ ಕೊರೊನಾ ಸೋಂಕಿತರ ಸಂಖ್ಯೆ

•   Thu, Jun 04 2020 02:52:06 PM



• ನ್ಯೂಯಾರ್ಕ್, ಜೂ 04 (DaijiworldNews/PY) : ಜಗತ್ತಿನಾದ್ಯಂತ 65,13,301ಜನರಿಗೆ ಕೊರೊನಾ ಸೋಂಕು ತಗುಲಿದ್ದು, ಈ ಪೈಕಿ 28,08,917 ಮಂದಿ ಗುಣಮುಖರಾಗಿದ್ದಾರೆ. ಈವರೆಗೆ ಒಟ್ಟು 3,86,091 ಸೋಂಕಿತರು ಸಾವನ್ನಪ್ಪಿದ್ಧಾರೆ ಎಂದು ಜಾನ್‌ ಹಾಪ್‌ಕಿನ್ಸ್‌ ವಿವಿಯ ಕೊರೊನಾ ಸಂಶೋಧನಾ ಕೇಂದ್ರ ಮಾಹಿತಿ ನೀಡಿದೆ.

  

  ಅಮರಿಕದಲ್ಲಿ ಅತಿ ಹೆಚ್ಚು (18,51,520) ಕೊರೊನಾ ಸೋಂಕು ಕಾಣಿಸಿಕೊಂಡಿದ್ದು, ಈವರೆಗೆ ಒಟ್ಟು 1,07,175 ಮಂದಿ ಸಾವನ್ನಪ್ಪಿದ್ದಾರೆ. ಈ ದೇಶದ ನ್ಯೂಯಾರ್ಕ್‌‌‌ ಒಂದರಲ್ಲೇ 30,019 ಮಂದಿ ಸಾವನ್ನಪ್ಪಿದ್ದಾರೆ.

  ಇನ್ನು ಇಂಗ್ಲೆಂಡ್‌ನಲ್ಲಿ ಸುಮಾರು 2,81,270 ಜನರಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದ್ದು, 39,811ಸೋಂಕಿತರು ಮೃತಪಟ್ಟಿದ್ದಾರೆ.

  ಅಮೆರಿಕದ ನಂತರ ಬ್ರೆಜಿಲ್‌‌‌‌‌ನಲ್ಲಿ ಅತಿಹೆಚ್ಚು ಪ್ರಕರಣಗಳು ವರದಿಯಾಗಿದ್ದು, ಕೊರೊನಾ ಸೋಂಕಿತರ ಸಂಖ್ಯೆ 5,84,016ಕ್ಕೆ ಏರಿಕೆಯಾಗಿದೆ. ರಷ್ಯಾದಲ್ಲಿ 4,84,016 ಲಕ್ಷ ಮೀರಿದೆ. ಈ ದೇಶಗಳಲ್ಲಿ ಕ್ರಮವಾಗಿ 32,548 ಮತ್ತು 5,208 ಜನರು ಮೃತಪಟ್ಟಿದ್ದಾರೆ.