ಭಾರತೀಯ ಮೂಲದ ಒಂದೇ ಕುಟುಂಬದ ಮೂವರು ನ್ಯೂಜೆರ್ಸಿಯಲ್ಲಿ ಮನೆಯ ಈಜುಕೊಳದಲ್ಲಿ ಶವವಾಗಿ ಪತ್ತೆ

•   Wed, Jun 24 2020 03:54:11 PM



• ನ್ಯೂಜೆರ್ಸಿ, ಜೂ. 24 (DaijiworldNews/MB) : ಮನೆಯ ಹಿಂಭಾಗದಲ್ಲಿದ್ದ ಈಜುಕೊಳದಲ್ಲಿ 8 ವರ್ಷದ ಬಾಲಕಿ ಸೇರಿದಂತೆ ಮೂವರು ಭಾರತೀಯ ಮೂಲದ ಕುಟುಂಬದವರು ಶವವಾಗಿ ಪತ್ತೆಯಾದ ಘಟನೆ ಅಮೆರಿಕಾದ ನ್ಯೂಜೆರ್ಸಿಯಲ್ಲಿ ಸಂಭವಿಸಿದೆ.

  

  ಸಾಂದರ್ಭಿಕ ಚಿತ್ರ

  ಮೃತರನ್ನು ಭರತ್ ಪಟೇಲ್ (62), ಅವರ 33 ವರ್ಷದ ಸೊಸೆ ನಿಶಾ ಪಟೇಲ್ ಮತ್ತು ಅವರ 8 ವರ್ಷದ ಮಗಳು ಎಂದು ಗುರುತಿಸಲಾಗಿದೆ.

  ಈ ಕುಟುಂಬವು ಏಪ್ರಿಲ್‌ನಲ್ಲಿ 451,000 ಡಾಲರ್‌ಗೆ ಈಸ್ಟ್ ಬ್ರನ್ಸ್‌ವಿಕ್‌ನಲ್ಲಿ ಮನೆಯನ್ನು ಖರೀದಿ ಮಾಡಿದ್ದು ಸೋಮವಾರ ಆಕಸ್ಮಿಕವಾಗಿ ಮುಳುಗಿ ಸಾವನ್ನಪ್ಪಿರ ಬಹುದು ಎಂದು ಪೊಲೀಸರು ತಿಳಿಸಿದ್ದಾರೆ.

  ಇನ್ನು ಸೋಮವಾರ ಈ ಮನೆಯ ಕಡೆಯಿಂದ ಕಿರುಚಾಟ ಕೇಳಿದೆ ಎಂದು ನೆರೆಮನೆಯವರು ತಿಳಿಸಿದ್ದು ಇವರ ಸಾವಿನ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ.