2 ಗಂಟೆ ಸುಮ್ಮನೇ ಕುಳಿತು 1.9 ಮಿಲಿಯನ್ ವಿವ್ಸ್ ಪಡೆದ ಯೂಟ್ಯೂಬರ್..!

•   Sat, Aug 01 2020 07:12:51 PM



• ಜಕಾರ್ತ, ಆ. 01 (DaijiworldNews/MB) : ಯೂಟ್ಯೂಬರ್‌ಗಳು ವೀವ್ಸ್‌ಗಾಗಿ ಏನೆಲ್ಲಾ ಪ್ರಯತ್ನಗಳನ್ನು ಪಡುವಾಗ ವ್ಯಕ್ತಿಯೋರ್ವ ಯೂಟ್ಯೂಬ್‌ನಲ್ಲಿ ತಾನು ಏನೂ ಮಾಡದೇ 2 ಗಂಟೆಗಳಿಗೂ ಅಧಿಕ ಕಾಲ ಕೂತಿರುವ ವಿಡಿಯೋ ಅಪ್‌ಲೋಡ್‌ ಮಾಡಿ 1.9 ಮಿಲಿಯನ್ ವಿವ್ಸ್‌ ಪಡೆದಿದ್ದಾನೆ.

  

  ಇಂಡೋನೇಶ್ಯಾದ ಮೊಹಮ್ಮದ್ ದೀದಿತ್ ಎಂಬ ಯೂಟ್ಯೂಬರ್ 2 ಗಂಟೆ 20 ನಿಮಿಷ 52 ಸೆಕೆಂಡ್ ಕೇವಲ ಕಣ್ಣು ಮಿಟುಕಿಸದೆ, ಯಾವುದೇ ಮಾತನ್ನೂ ಕೂಡಾ ಆಡದೆ, , ಕೇವಲ ಕ್ಯಾಮಾರವನ್ನು ನೋಡಿಯೇ ಕೂತಿದ್ದು ಏನಾಗಬಹುದು ಎಂಬ ಕಾತುರದಿಂದಲ್ಲೇ ಜನರು ವಿಡಿಯೋವನ್ನು ನೋಡಿದ್ದಾರೆ.

  ಈ ವಿಡಿಯೋ ನೋಡಿ ಕೆಲವರಿಗೆ ನಿರಾಶೆಯಾಗಿದ್ದು ಎರಡು ಗಂಟೆ ಸುಮ್ಮನೇ ಕೂತಿದ್ದಾನೆ ಎಂದು ಕಾಮೆಂಟ್‌ ಮಾಡಿದರೆ ಇನ್ನು ಕೆಲವರು ಅಷ್ಟು ಹೊತ್ತು ಸುಮ್ಮನೇ ಕೂತ ಆತನನ್ನು ನೋಡಿ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.

  ಇಂಡೋನೇಶಿಯನ್ ಸೊಸೈಟಿ ಯುವಜನರಿಗೆ ಶಿಕ್ಷಣ ನೀಡುವ ವಿಷಯವನ್ನು ಪೋಸ್ಟ್ ಮಾಡುವಂತೆ ಕೇಳಿಕೊಂಡಿದ್ದು ಇಷ್ಟವಿಲ್ಲದೆ ಭಾರವಾದ ಹೃದಯದಿಂದ ಇದನ್ನು ಮಾಡಿದ್ದೇನೆ. ಈ ವಿಡಿಯೋದ ಲಾಭದ ಬಗ್ಗೆ ಹೇಳಬೇಕೆಂದರೆ ಅದು ವೀಕ್ಷಕರ ಮೇಲೆ ಅವಲಂಬಿತವಾಗಿರುತ್ತದೆ. ನಿಮಗೆಲ್ಲಾ ಮನರಂಜನೆ ಸಿಗುತ್ತದೆ ಎಂದು ನಾನು ಭಾವಿಸಿದ್ದೇನೆ ಎಂದು ಮೊಹಮ್ಮದ್ ದೀದಿತ್ ಬರೆದುಕೊಂಡಿದ್ದಾನೆ.