ನೇಪಾಳದಲ್ಲಿ ‌ಭೂ ಕುಸಿತ - 9 ಮಂದಿ ಮೃತ್ಯು, ಹಲವು ಮಂದಿ ನಾಪತ್ತೆ

•   Sun, Sep 13 2020 06:13:23 PM



• ಕಠ್ಮಂಡು, ಸೆ 13 (DaijiworldNews/PY): ನೇಪಾಳದ ಕೆಲವು ಪ್ರದೇಶಗಳಲ್ಲಿ ಕಳೆದ ಕೆಲವು ದಿನಗಳಿಂದ ಸುರಿದ ಭಾರಿ ಮಳೆಗೆ ಭೂ ಕುಸಿತ ಉಂಟಾಗಿ 9 ಮಂದಿ ಮೃತಪಟ್ಟು, 20ಕ್ಕೂ ಅಧಿಕ ಮಂದಿ ಕಾಣೆಯಾಗಿದ್ದಾರೆ.

  

  ಈ ಘಟನೆ ಭಾನುವಾರ ಮುಂಜಾನೆ ಸಂಭವಿಸಿದ್ದು, ನಾಗಪುಜೆ, ಬ್ರಿಖಾರ್ಕ, ನೆವಾರ ಗ್ರಾಮದದಲ್ಲಿ ವಾಸಿಸುವವರ ಮನೆಯ ಮೇಲೆ ಭೂ ಕುಸಿತಗೊಂಡಿದೆ. ಪರಿಣಾಮ 9 ಮಂದಿಮೃತಪಟ್ಟಿದ್ದು, 20ಕ್ಕೂ ಅಧಿಕ ಮಂದಿ ಮಣ್ಣಿನಡಿಗೆ ಸಿಲುಕಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  ಏಳು ಮಂದಿಯ ಮೃತದೇಹವನ್ನು ಹೊರತೆಗೆಯಲಾಗಿದ್ದು, ಪತ್ತೆ ಹಚ್ಚಲಾಗಿದೆ ಎಂದು ಸಿಂಧೂಪಾಲ್ ಚೌಕ್ ನ ಪೊಲೀಸ್ ಅಧಿಕಾರಿಯಾದ ರಾಜನ್ ಅಧಿಕಾರಿ ಹೇಳಿದ್ದಾರೆ.

  ಘಟನೆ ನಡೆದ ಸ್ಥಳದಲ್ಲಿ ಕಾರ್ಯಾಚರಣೆ ಮುಂದುವರೆದಿದ್ದು, ಭೂ ಕುಸಿತದಿಂದ ಉಂಟಾದ ನಷ್ಟ ದ ಮಾಹಿತಿ ಇನ್ನು ತಿಳಿದು ಬರಬೇಕಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.