ಮತ್ತೆ ತೈವಾನ್‌ನತ್ತ 19 ಯುದ್ಧ ವಿಮಾನ ರವಾನಿಸಿದ ಚೀನಾ

•   Sat, Sep 19 2020 04:22:02 PM



• ತೈಪೆ, ಸೆ.19(DaijiworldNews/HR): ತೈವಾನ್‌ನತ್ತ ಚೀನಾವು ಮತ್ತಷ್ಟು ಯುದ್ಧ ವಿಮಾನಗಳನ್ನು ರವಾನಿಸಿದೆ.

  

  ತೈವಾನ್‌ ನಲ್ಲಿ 'ಮಿಸ್ಟರ್‌ ಡೆಮಾಕ್ರಸಿ' ಎಂದೇ ಕರೆಯಲಾಗುತ್ತಿದ್ದ, ಮೊದಲ ಸ್ಥಳೀಯ ಅಧ್ಯಕ್ಷ ಎಂಬ ಹಿರಿಮೆ ಹೊಂದಿದ್ದ ಲೀ ಟೆಂಗ್‌ ಹೂ (97) ಅವರು ಜುಲೈ 30ರಂದು ನಿಧನರಾಗಿದ್ದು, ಅಲೆಥಿಯಾ ಯೂನಿವರ್ಸಿಟಿಯಲ್ಲಿ ಅಂತಿಮ ಸಂಸ್ಕಾರದಲ್ಲಿ ತೈವಾನಿನ ಅಧ್ಯಕ್ಷೆ ತ್ಸೈ ಇಂಗ್‌ ವೆನ್‌, ಅಮೆರಿಕದ ವಿದೇಶಾಂಗ ಇಲಾಖೆಯ ಸಹಾಯಕ ಕಾರ್ಯದರ್ಶಿ ಕೀತ್‌ ಕ್ರಾಚ್‌ ಅವರು ಲೀ ಅವರಿಗೆ ಗೌರವ ನಮನ ಸಲ್ಲಿಸಿದರು.

  ಈ ಕಾರ್ಯಕ್ರಮದಲ್ಲಿ ಕೀತ್‌ ಪಾಲ್ಗೊಂಡಿದ್ದರಿಂದ ಕೆರಳಿರುವ ಚೀನಾವು, ತೈವಾನ್‌ ಜಲಸಂಧಿಯ ಮಧ್ಯಭಾಗಕ್ಕೆ ಶುಕ್ರವಾರ 18 ಯುದ್ಧ ವಿಮಾನಗಳನ್ನು ರವಾನಿಸಿತ್ತು.

  ಇನ್ನು ಇಂದು ಬೀಜಿಂಗ್‌ನಿಂದ ಮತ್ತೆ 19 ಯುದ್ಧ ವಿಮಾನಗಳನ್ನು ತೈವಾನ್‌ನತ್ತ ರವಾನಿಸಲಾಗಿದೆ. ಇದರಲ್ಲಿ ಎರಡು ಬಾಂಬರ್‌ ವಿಮಾನಗಳೂ ಇವೆ. ನಮ್ಮ ವಾಯುಪಡೆಯು ಚೀನಾದ ಚಟುವಟಿಕೆಗಳ ಮೇಲೆ ನಿಗಾ ಇಡುವ ಸಲುವಾಗಿ ವಾಯು ರಕ್ಷಣಾ ಕ್ಷಿಪಣಿಯನ್ನು ನಿಯೋಜಿಸಿದೆ' ಎಂದು ತೈವಾನ್‌ನ ರಕ್ಷಣಾ ಸಚಿವಾಲಯ ತಿಳಿಸಿದೆ.