ಕೊರೊನಾ ದೃಢಪಟ್ಟಿದ್ದರೂ ಕಾರಿನಲ್ಲಿ ರೋಡ್‌ ಶೋ ನಡೆಸಿದ ಡೊನಾಲ್ಡ್‌ ಟ್ರಂಪ್‌

•   Mon, Oct 05 2020 11:27:56 AM



• ವಾಷಿಂಗ್ಟನ್‌, ಅ. 05(DaijiworldNews/PY): ಕೊರೊನಾ ಸೋಂಕು ದೃಢಪಟ್ಟಿದ್ದರೂ ಕೂಡಾ ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌‌ ಅವರು ಕಾರಿನಲ್ಲಿ ರೋಡ್‌ ಶೋ ನಡೆಸಿದ್ದು, ಅಪಾರ ಬೆಂಬಲಿಗರು ಪಾಲ್ಗೊಂಡಿದ್ದರು.

  

  ಕೊರೊನಾ ಸೋಂಕಿಗೆ ಒಳಪಟ್ಟಿದ್ದ ಡೊನಾಲ್ಡ್‌ ಟ್ರಂಪ್‌ ಅವರು ಚಿಕಿತ್ಸೆ ಪಡೆಯುತ್ತಿದ್ದ ವಾಲ್ಟರ್‌‌‌ ರೀಡ್‌ ಆಸ್ಪತ್ರೆಯ ಎದುರು ಕಾರಿನಲ್ಲಿ ಕುಳಿತುಕೊಂಡು ರೋಡ್‌‌ ಶೋ ನಡೆಸಿದ್ದಾರೆ.

  ಟ್ರಂಪ್‌ ಅವರು ಬೆಥೆಸ್ಡಾಕ್ಕೆ ಕಾರಿನಲ್ಲಿ ಆಗಮಿಸಿದ್ದು, ತಮ್ಮ ಅಭಿಮಾನಿಗಳತ್ತ ಕೈ ಬೀಸಿದ್ದಾರೆ. ತಮ್ಮ ನಾಯಕನ ಆರೋಗ್ಯ ಚೇತರಿಕೆಗಾಗಿ ಪ್ರಾರ್ಥನೆ ಮಾಡುತ್ತಿದ್ದ ಅಭಿಮಾನಿಗಳಿಗೆ ಟ್ರಂಪ್‌ ಅವರ ಈ ನಡೆ ಸಂತಸ ತಂದಿದೆ.

  ಬಳಿಕ ಟ್ವೀಟ್‌ ಮಾಡಿರುವ ಅವರು, ನಾನು, ಆಸ್ಪತ್ರೆಯ ಹೊರಗಿದ್ದ ಅಭಿಮಾನಿಗಳನ್ನು ಹಾಗೂ ಬೆಂಬಲಿಗರನ್ನು ಪ್ರಶಂಶಿಸುತ್ತೇನೆ. ನಿಜವಾದ ಸಂಗತಿಯೆಂದರೆ, ಅವರು ನಿಜವಾಗಿಯೂ ನಮ್ಮ ದೇಶವನ್ನು ಪ್ರೀತಿಸುತ್ತಾರೆ ಹಾಗೂ ದೇಶವನ್ನು ಹಿಂದೆಗಿಂತ ಹೇಗೆ ಉತ್ತಮವಾಗಿ ಕೊಂಡೊಯ್ಯುತ್ತಿದ್ದೇವೆ ಎನ್ನುವುದನ್ನು ನೋಡುತ್ತದ್ದೇವೆ ಎಂದಿದ್ದಾರೆ.

  ಡೊನಾಲ್ಡ್‌ ಟ್ರಂಪ್‌ ಹಾಗೂ ಅವರ ಪತ್ನಿಗೆ ಗುರುವಾರದಂದು ಕೊರೊನಾ ದೃಢಪಟ್ಟಿದ್ದು, ಅವರು ಮಿಲಿಟರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

  I really appreciate all of the fans and supporters outside of the hospital. The fact is, they really love our Country and are seeing how we are MAKING IT GREATER THAN EVER BEFORE!

  — Donald J. Trump (@realDonaldTrump) October 4, 2020