ಅಜರ್ ಬೈಜಾನ್‌‌ನ ಗಂಜಾ ನಗರದಲ್ಲಿ ರಾಕೆಟ್‌ ದಾಳಿ - ವಸತಿ ಕಟ್ಟಡ ಧ್ವಂಸ, 5 ಮಂದಿ ಸಾವು

•   Sun, Oct 11 2020 12:59:54 PM



• ಬಕು, ಅ. 11 (DaijiworldNews/PY): ಅಜರ್ ಬೈಜಾನ್‌‌ನ ಪಶ್ಚಿಮ ನಗರವಾದ ಗಂಜಾದಲ್ಲಿನ ವಸತಿ ಕಟ್ಟಡವೊಂದಕ್ಕೆ ರಾಕೆಟ್‌ ಅಪ್ಪಳಿಸಿದ ಪರಿಣಾಮ ಕನಿಷ್ಟ ಐದು ಮಂದಿ ಮೃತಪಟ್ಟಿದ್ದಾರೆ ಎಂದು ಅಜರ್ ಬೈಜಾನ್‌‌ನ ತುರ್ತು ಪರಿಸ್ಥಿತಿ ಸಚಿವಾಲಯದ ಮಾಧ್ಯಮ ಸಭೆ ಭಾನುವಾರ ಮಾಹಿತಿ ನೀಡಿದೆ.

  

  ಭಾನುವಾರ ಮುಂಜಾನೆ ಈ ಬಗ್ಗೆ ತಿಳಿಸಿದ ಅಜರ್ ಬೈಜಾನ್‌‌ನ ರಕ್ಷಣಾ ಸಚಿವಾಲಯ, ಅರ್ಮೇನಿಯಾ ಪ್ರದೇಶದಿಂದ ಗಂಜಾ ನಗರವನ್ನು ಗುರಿಯಾಗಿಸಿಕೊಂಡು ದಾಳಿ ಮಾಡಲಾಗಿದೆ ಎಂದು ಹೇಳಿದೆ.

  ರಾಕೆಟ್‌ ದಾಳಿಯ ಸಂದರ್ಭ ಬೆಂಕಿ ಕಾಣಿಸಿಕೊಂಡಿದ್ದು, ಇದರ ಪರಿಣಾಮ ವಸತಿ ಕಟ್ಟಡವು ಸಂಪೂರ್ಣವಾಗಿ ನಾಶವಾಗಿದೆ. ಸಾವನ್ನಪ್ಪಿದ ಐದು ಮಂದಿಯ ಮೃತದೇಹಗಳನ್ನು ಅವಶೇಷದಿಂದ ಹೊರಕ್ಕೆ ತೆರೆಯಲಾಗಿದೆ. 17 ಮಂದಿ ಗಾಯಗೊಂಡಿದ್ದಾರೆ. ಘಟನಾ ಸ್ಥಳದಲ್ಲಿ ರಕ್ಷಣಾ ಸಿಬ್ಬಂದಿ ಕಾರ್ಯಚರಣೆ ನಡೆಸುತ್ತಿದ್ದಾರೆ ಎಂದು ತಿಳಿಸಿದೆ.

  ಗಂಜಾದಲ್ಲಿ ಕನಿಷ್ಠ ಐದು ಜನರು ಸಾವನ್ನಪ್ಪಿದ್ದಾರೆ ಮತ್ತು 28 ಮಂದಿ ಗಾಯಗೊಂಡಿದ್ದಾರೆ ಎಂದು ಅಜರ್ ಬೈಜಾನ್‌‌ನ ಪ್ರಾಸಿಕ್ಯೂಟರ್ ಜನರಲ್ ಕಚೇರಿ ಭಾನುವಾರ ತಿಳಿಸಿದೆ.