ಪೇಶಾವರದ ಮದರಸದಲ್ಲಿ ಭಾರೀ ಸ್ಫೋಟ - ಏಳು ಮಂದಿ ಸಾವು, 70 ಜನರಿಗೆ ಗಾಯ

•   Tue, Oct 27 2020 12:05:24 PM



• ಇಸ್ಲಾಮಾಬಾದ್,ಅ. 27 (DaijiworldNews/HR): ಪೇಶಾವರದ ಮದರಸಾದಲ್ಲಿ ಸಂಭವಿಸಿದ ಸ್ಫೋಟದಲ್ಲಿ ಏಳು ಮಂದಿ ಸಾವನ್ನಪ್ಪಿರುವ ಘಟನೆ ದಿರ್ ಕಾಲೋನಿಯಲ್ಲಿ ನಡೆದಿದೆ.

  

  ಯಾರೋ ಅಪರಿಚಿತ ವ್ಯಕ್ತಿಗಳು ಮದರಸಾದೊಳಗೆ ಸ್ಫೋಟಕವನ್ನು ಅಳವಡಿಸಿಟ್ಟಿದ್ದು, ಇದು ಸ್ಫೋಟಗೊಂಡ ಪರಿಣಾಮ ಏಳು ಮಕ್ಕಳು ಸಾವನ್ನಪ್ಪಿರುವುದಾಗಿ ಪೊಲೀಸ್ ಅಧಿಕಾರಿ ರಾಯಟರ್ಸ್ ಗೆ ತಿಳಿಸಿದ್ದಾರೆ.

  ಇನ್ನು ಸ್ಫೋಟದಲ್ಲಿ ಏಳು ಮಕ್ಕಳು ಸಾವನ್ನಪ್ಪಿದ್ದು, 70ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದು, ಹಲವರು ಬೆಂಕಿಯಿಂದಾಗಿ ಭಾಗಶಃ ಸುಟ್ಟು ಹೋಗಿರುವುದಾಗಿ ತಿಳಿದು ಬಂದಿದೆ.

  ಈ ಸ್ಫೋಟದ ಬಗ್ಗೆ ಈಗಾಗಲೇ ಏನನ್ನೂ ಹೇಳಲು ಸಾಧ್ಯವಿಲ್ಲ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದು, ಸ್ಫೋಟ ಹೇಗೆ ಸಂಭವಿಸಿತು ಎಂಬ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ವರದಿ ತಿಳಿಸಿದೆ.