'ಈ ಬಾರಿಯ ಅಧ್ಯಕ್ಷೀಯ ಚುನಾವಣೆಯಲ್ಲಿ ಹೆಚ್ಚು ಮತ ಗಳಿಸಿ ಜಯಶಾಲಿಯಾಗುತ್ತೇನೆ' - ಡೊನಾಲ್ಡ್‌ ಟ್ರಂಪ್

•   Sun, Nov 01 2020 01:34:31 PM



• ಬಟ್ಲರ್‌, ನ.01 (DaijiworldNews/PY): "ಈ ಬಾರಿ ನಡೆಯಲಿರುವ ಅಧ್ಯಕ್ಷೀಯ ಚುನಾವಣೆಯಲ್ಲಿ ಕಳೆದ ಚುನಾವಣೆಯಲ್ಲಿ ಗಳಿಸಿದ ಮತಕ್ಕಿಂತ ಹೆಚ್ಚು ಮತವನ್ನು ಗಳಿಸಿ ರಿಪಬ್ಲಿಕನ್‌‌‌‌ ಪಕ್ಷ ಜಯಭೇರಿ ಬಾರಿಸಲಿದೆ" ಎಂದು ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌‌ ಹೇಳಿದ್ದಾರೆ.

  

  ಶನಿವಾರ ಪೆನ್ಸಿಲ್ವೇನಿಯಾದಲ್ಲಿ ನಡೆದ ರ್‍ಯಾಲಿಯನ್ನುದ್ದೇಶಿಸಿ ಮಾತನಾಡಿದ ಅವರು, "ಅಧ್ಯಕ್ಷೀಯ ಚುನಾವಣೆಯಲ್ಲಿ ರಿಪಬ್ಲಿಕನ್‌‌ ಪಕ್ಷವು ವಿಜಯಶಾಲಿಯಾಗಲಿದೆ. ನಮ್ಮ ಸರ್ಕಾರವು ನಾಲ್ಕು ವರ್ಷಗಳ ಅವಧಿಯಲ್ಲಿ ಉತ್ತಮವಾದ ಕಾರ್ಯವನ್ನು ಕೈಗೊಂಡಿದೆ" ಎಂದಿದ್ದಾರೆ.

  "ಜೊ ಬಿಡೆನ್‌ ಅವರಿ ಅಮೇರಿಕಾದ ಅಧ್ಯಕ್ಷರಾದರೆ, ಅಮೇರಿಕಾವು ಸಮಾಜವಾದಿ ಪಥದಲ್ಲಿ ಸಾಗಲಿದೆ. ಅಲ್ಲದೇ, ಅವರು ತೆರಿಗೆಯನ್ನು ಕೂಡಾ ಏರಿಸಲಿದ್ದಾರೆ. ಕಳೆದ ಚುನಾವಣೆಯಲ್ಲಿ ಗಳಿಸಿದ ಮತಕ್ಕಿಂತ ನ.3ರಂದು ನಡೆಯುವ ಅಧ್ಯಕ್ಷೀಯ ಚುನವಾಣೆಯಲ್ಲಿ ಹೆಚ್ಚು ಮತ ಗಳಿಸಿ ಜಯಭೇರಿ ಬಾರಿಸಲಿದ್ದೇನೆ" ಎಂದು ಹೇಳಿದ್ದಾರೆ.

  "ನನ್ನ ನಾಲ್ಕು ವರ್ಷಗಳ ಆಡಳಿತದ ಅವಧಿಯಲ್ಲಿ ಜಗತ್ತಿನ ಶಕ್ತಿಶಾಲಿ ಸೇನೆಯನ್ನು ನಿರ್ಮಿಸಿದ್ದೇನೆ" ಎಂದು ತಿಳಿಸಿದ್ದಾರೆ.