'ಚುನಾವಣೆ ವಿಚಾರವಾಗಿ ಸುಪ್ರೀಂಕೋರ್ಟ್‌ಗೆ ಹೋಗುತ್ತೇನೆ' - ಡೊನಾಲ್ಡ್‌ ಟ್ರಂಪ್‌

•   Wed, Nov 04 2020 04:14:52 PM



• ವಾಷಿಂಗ್ಟನ್‌, ನ. 04 (DaijiworldNews/MB) : ''ಅಮೇರಿಕಾ ಅಧ್ಯಕ್ಷೀಯ ಚುನಾವಣೆಯ ವಿಚಾರವಾಗಿ ಸುಪ್ರೀಂಕೋರ್ಟ್‌ಗೆ ಹೋಗಿ ಹೋರಾಡುತ್ತೇನೆ'' ಎಂದು ಹಾಲಿ ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಹೇಳಿದರು.

  

  ಯಾವುದೇ ಘಟನೆಗಳನ್ನು ಉಲ್ಲೇಖ ಮಾಡದೆಯೇ ಶ್ವೇತಭವನದಲ್ಲಿ ಮಾತನಾಡಿದ ಅವರು, ''ಅಮೇರಿಕಾದ ಜನರಿಗೆ ವಂಚನೆ ಮಾಡಲಾಗುತ್ತಿದೆ. ಆದರೆ ನಾವು ಈಗಾಗಲೇ ವಿಜಯ ಗಳಿಸಿದ್ದೇವೆ. ನನಗೆ ಕೋಟ್ಯಾಂತರ ಮಂದಿ ಮತ ಹಾಕಿದ್ದಾರೆ. ಹೀಗಾಗಿ ಬಹುದೊಡ್ಡದಾದ ಸಂಭ್ರಮಾಚರಣೆ ನಡೆಸಲು ನಾವು ಸಿದ್ದತೆ ನಡೆಸಿದ್ದೆವು. ಈಗ ಎಲ್ಲವನ್ನೂ ನಿಲ್ಲಿಸಬೇಕಾಗಿದೆ'' ಎಂದು ಹೇಳಿದರು.

  ''ಅಮೇರಿಕಾದ ಜನರಿಗೆ ದೊಡ್ಡ ವಂಚನೆಯನ್ನು ಮಾಡಲಾಗುತ್ತಿದೆ. ಇದರಿಂದಾಗಿ ಜನರಿಗೆಯೇ ಮುಜುಗರ ಉಂಟಾಗುತ್ತಿದೆ. ನಾನು ಎಲ್ಲಾ ರಾಜ್ಯದಲ್ಲಿ ಮತದಾನ ಮುಕ್ತಾಯವಾದ ಬಳಿಕ ಸುಪ್ರೀಂಕೋರ್ಟ್‌ಗೆ ಹೋಗುತ್ತೇನೆ'' ಎಂದಿದ್ದಾರೆ.

  538 ಸ್ಥಾನಗಳ ಪೈಕಿ ಜೋ ಬಿಡೆನ್‌ 238 ರಾಜ್ಯದಲ್ಲಿ ಗೆಲುವು ತಮ್ಮದಾಗಿಸಿಕೊಂಡಿದ್ದು ಟ್ರಂಪ್‌ 213 ರಾಜ್ಯದಲ್ಲಿ ಜಯ ಸಾಧಿಸಿದ್ದಾರೆ.