ಕರ್ನಾಟಕ ಮೂಲದ ಉದ್ಯಮಿ ಶ್ರೀಥಾಣೇದಾರಗೆ ಅಮೇರಿಕಾ ಚುನಾವಣೆಯಲ್ಲಿ ಗೆಲುವು

•   Thu, Nov 05 2020 02:34:31 PM



• ಹೂಸ್ಟನ್,ನ. 05 ( DaijiworldNews/HR): ಅಮೇರಿಕಾ ನಿವಾಸಿ, ಬೆಳಗಾವಿ ಮೂಲದ ಶ್ರೀಮಂತ ಉದ್ಯಮಿ ಡೆಮಾಕ್ರಟಿಕ್ ಪಕ್ಷದ ಶ್ರೀಥಾಣೇದಾರ(65) ಅವರು ಶೇ 93ರಷ್ಟು ಮತಗಳನ್ನು ಪಡೆಯುವ ಮೂಲಕ ಮಿಷಿಗನ್‌ ಕ್ಷೇತ್ರದಿಂದ ಅಮೇರಿಕಾದ ಪ್ರತಿನಿಧಿಗಳ ಸಭೆಗೆ ಆಯ್ಕೆಯಾಗಿದ್ದಾರೆ.

  

  ವಿಜ್ಞಾನಿ ಮತ್ತು ಉದ್ಯಮಿ ಶ್ರೀಥಾಣೇದಾರ ಅವರು ಎರಡು ವರ್ಷಗಳ ಹಿಂದೆ ರಾಜ್ಯಪಾಲರ ಹುದ್ದೆಗೆ ಸ್ಪರ್ಧಿಸಿದ್ದರು.

  ಇನ್ನು ಶ್ರೀಥಾಣೇದಾರ ಅವರು ಮುಂಬೈ ವಿಶ್ವವಿದ್ಯಾಲಯದಿಂದ ರಸಾಯನ ವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಉನ್ನತ ವ್ಯಾಸಂಗಕ್ಕಾಗಿ 1979ರಲ್ಲಿ ಅಮೇರಿಕಾಕ್ಕೆ ತೆರಳಿದ ಅವರು ಅಕ್ರೋನ್ ವಿಶ್ವವಿದ್ಯಾಲಯ ಮತ್ತು ಮಿಷಿಗನ್‌ ವಿಶ್ವವಿದ್ಯಾಲಯದಲ್ಲಿ ಅಭ್ಯಾಸ ಮಾಡಿದ್ದರು.