'ನ್ಯಾಯಯುತವಾದ ಮತ ಎಣಿಕೆ ಮಾಡಿದರೆ ನಾನು ಗೆದ್ದೇ ಗೆಲ್ಲುತ್ತೇನೆ' - ಡೊನಾಲ್ಡ್‌ ಟ್ರಂಪ್‌‌

•   Fri, Nov 06 2020 10:56:08 AM



• ವಾಷಿಂಗ್ಟನ್, ನ.06 (DaijiworldNews/PY): "ನ್ಯಾಯಯುತವಾಗಿ ಮತ ಎಣಿಕೆ ಮಾಡಿದರೆ ಚುನಾವಣೆಯಲ್ಲಿ ನಾನು ಗೆದ್ದೇ ಗೆಲ್ಲುತ್ತೇನೆ" ಎಂದು ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಹೇಳಿದ್ದಾರೆ.

  

  ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, "ಡೆಮಾಕ್ರಟ್‌‌ಗಳು ಚುನಾವಣೆಯನ್ನೇ ಕದಿಯುತ್ತಿದ್ದಾರೆ. ಮತ ಎಣಿಕೆ ನ್ಯಾಯಯುತವಾಗಿ ನಡೆದರೆ ನಾನು ಗೆಲುವು ಸಾಧಿಸುತ್ತೇನೆ. ನೀವು ಕಾನೂನಾತ್ಮಕವಾಗಿ ಮತ ಎಣಿಕೆ ಮಾಡಿದರೆ ನಾನು ಸುಲಭವಾಗಿ ಗೆಲ್ಲುತ್ತೇನೆ" ಎಂದಿದ್ದಾರೆ.

  "ಈಗಾಗಲೇ ನಾನು ಫ್ಲೊರಿಡಾ ಸೇರಿದಂತೆ ಇಂಡಿಯಾನ, ಒಹಿಯೊ, ಲೊವಾದಂತಹ ಪ್ರಮುಖ ರಾಜ್ಯಗಳಲ್ಲಿ ಗೆದ್ದಿದ್ದೇನೆ. ಸಮೀಕ್ಷೆಗಳ ಪ್ರಕಾರ, ದೇಶದಲ್ಲಿ ರಿಪಬ್ಲಿಕನ್‌‌ ಪಕ್ಷದ ಅಲೆ ಇದೆ. ಡೆಮಾಕ್ರಟ್‌‌ ಪರ ಅಲೆ ಇಲ್ಲ" ಎಂದಿದ್ದಾರೆ.

  "ರಿಪಬ್ಲಿಕನ್‌‌‌ ಅಮೇರಿಕಾದ ಕಾರ್ಮಿಕರ ಪಕ್ಷವಾಗಿದೆ. ಆದರೆ ಡೆಮಾಕ್ರಟಿಕ್‌‌‌ ಪಕ್ಷವು ದೊಡ್ಡ ದಾನಿಗಳಿಗೆ ಹಾಗೂ ಶ್ರೀಮಂತರಿಗೆ ಸೇರಿದೆ" ಎಂದು ತಿಳಿಸಿದ್ದಾರೆ.

  ಅಧ್ಯಕ್ಷೀಯ ಚುನಾವಣೆ ಬಗ್ಗೆ ಜೊ ಬಿಡೆನ್‌ ಅವರು ಪ್ರತಿಕ್ಷೆಯೆ ನೀಡಿದ್ದು, "ಗೆಲುವು ಸಾಧಿಸುವ ಬಗ್ಗೆ ಯಾವುದೇ ಸಂದೇಹವಿಲ್ಲ" ಎಂದಿದ್ದಾರೆ.