ಮಧ್ಯ ಅಮೇರಿಕಾದ ಗ್ಯಾಟಿಮಾಲಾದಲ್ಲಿ ಭೂಕುಸಿತ - 50ಕ್ಕೂ ಅಧಿಕ ಮಂದಿ ಮೃತ್ಯು

•   Fri, Nov 06 2020 01:10:46 PM



• ಟೆಗುಸಿಗಲ್ಪ, ನ.06 (DaijiworldNews/PY): ಮಧ್ಯ ಅಮೇರಿಕಾದ ಗ್ಯಾಟಿಮಾಲಾದಲ್ಲಿ ಸುರಿದ ಭಾರಿ ಮಳೆಯಿಂದಾಗಿ ವಿವಿಧೆಡೆ ಭೂಕುಸಿತ ಉಂಟಾಗಿದ್ದು, ಕನಿಷ್ಠ 50 ಮಂದಿ ಸಾವನ್ನಪ್ಪಿದ್ದಾರೆ.

  

  ಭಾರಿ ಮಳೆಯ ಪರಿಣಾಮ ಮಧ್ಯ ಅಮೇರಿಕಾದಲ್ಲಿ 23 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಸುದ್ದಿ ಮಾಧ್ಯಮಗಳು ವರದಿ ಮಾಡಿವೆ.

  ಭೂಕುಸಿತದಿಂದಾಗಿ ಗುಡ್ಡದಡಿಗೆ ಸುಮಾರು 25 ಮನೆಗಳು ಸಿಲುಕಿದ್ದು, ಅವಶೇಷದಡಿ ಹಲವಾರು ಮಂದಿ ಸಿಲುಕಿದ್ದಾರೆ ಎಂದು ಅಧ್ಯಕ್ಷ ಅಲ್‌‌ಜಂಡ್ರೊ ಗಿಯಾಮಟೈ ತಿಳಿಸಿದ್ದಾರೆ.

  ಕೆಲವು ದಿನಗಳಿಂದ ಮಧ್ಯ ಅಮೇರಿಕದಲ್ಲಿ ಭಾರಿ ಮಳೆ ಸುರಿಯುತ್ತಿದ್ದು, ಸಾವಿನ ಪ್ರಮಾಣ ಹೆಚ್ಚಾಗುತ್ತಿದೆ.

  ಇನ್ನು ಗ್ವಾಟೆಮಾಲದಿಂದ ಪನಾಮಾವರೆಗೂ ಕೂಡಾ ಅನೇಕ ಭೂಕುಸಿತ ಸಂಭವಿಸಿದೆ.