ಹತ್ಯೆ ಯತ್ನದ ಶಂಕೆ - ಭಾರತೀಯ ಮೂಲದ ನಿರಾಶ್ರಿತನ ಬಂಧನ

•   Sun, Nov 22 2020 02:50:01 PM



• ನ್ಯೂಯಾರ್ಕ್‌,ನ. 22 (DaijiworldNews/HR): ಮಹಿಳೆಯೊರ್ವರನ್ನು ರೈಲು ನಿಲ್ದಾಣದಲ್ಲಿ ಹಳಿಗಳಿರುವ ಸುರಂಗದಲ್ಲಿ ತಳ್ಳಿದ ಆರೋಪದಲ್ಲಿ ಭಾರತೀಯ ಮೂಲದ ನಿರಾಶ್ರಿತ ವ್ಯಕ್ತಿಯೊಬ್ಬನನ್ನು ಹತ್ಯೆ ಯತ್ನದ ಶಂಕೆಯ ಮೇಲೆ ಬಂಧಿಸಲಾಗಿದೆ.

  

  ಬಂಧಿತ ವ್ಯಕ್ತಿಯನ್ನು ಆದಿತ್ಯ ವೇಮುಲಪತಿ (24) ಎಂದು ಗುರುತಿಸಲಾಗಿದೆ.

  ವೇಮುಲಪತಿಯನ್ನು ಹಲ್ಲೆ ಮತ್ತು ಕೊಲೆಯತ್ನ ಪ್ರಕರದಡಿ ಬಂಧಿಸಿದ್ದು, ನ್ಯಾಯಾಧೀಶರು, ವೇಮುಲಪತಿಯನ್ನು ಡಿ.4 ರವರೆಗೆ ನ್ಯಾಯಾಂಗ ಬಂಧನಕ್ಕೆ ಆದೇಶಿಸಿದ್ದಾರೆ ಎಂದು ತಿಳಿದು ಬಂದಿದೆ.

  ಇನ್ನು ರೈಲು ನಿಲ್ದಾಣದ ವೀಡಿಯೊ ತುಣುಕಿನಲ್ಲಿ, ಯೂನಿಯನ್ ಸ್ಕ್ವೇರ್‌ನ ಸುರಂಗಮಾರ್ಗದ ರೈಲು ನಿಲ್ದಾಣದಲ್ಲಿ ರೈಲು ಬರುತ್ತಿರುವಾಗ ಲಿಲಿಯಾನಾ ಲಾನೊಸ್‌ ಎಂಬುವವರನ್ನು ವೇಮುಲಪತಿ ಸುರಂಗದೊಳಗೆ ತಳ್ಳಿರುವ ದೃಶ್ಯವಿದೆ. ಈ ಘಟನೆಯಲ್ಲಿ ಲಾನೊಸ್ ಅವರು ಎರಡು ರೈಲು ಹಳಿಗಳ ನಡುವೆ ಬಿದ್ದಿದ್ದರಿಂದ, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.