'ಎಲೆಕ್ಟ್ರೋಲ್‌ ಕಾಲೇಜು ಜೊ ಬಿಡೆನ್‌‌‌‌‌ರ ಗೆಲುವು ಪ್ರಕಟಿಸಿದರೆ ಖಂಡಿತವಾಗಿಯೂ ನಾನು ಶ್ವೇತಭವನ ತೊರೆಯುವೆ' - ಡೊನಾಲ್ಡ್‌‌ ಟ್ರಂಪ್

•   Fri, Nov 27 2020 11:54:22 AM



• ವಾಷಿಂಗ್ಟನ್‌, ನ.27 (DaijiworldNews/PY): "ಡೆಮಾಕ್ರಟಿಕ್‌‌ ಪಕ್ಷದ ಅಭ್ಯರ್ಥಿ ಜೊ ಬಿಡೆನ್‌ ಅವರು ವಿಜಯಶಾಲಿಯಾಗಿದ್ದರೆ ಎಂದು ಎಲೆಕ್ಟ್ರೋಲ್‌‌‌ ಕಾಲೇಜು ಘೋಷಣೆ ಮಾಡಿದರೆ ತಾನು ಶ್ವೇತಭವನದಿಂದ ಹೊರಹೋಗುವುದಾಗಿ" ಡೊನಾಲ್ಡ್‌ ಟ್ರಂಪ್‌ ಹೇಳಿದ್ದಾರೆ.

  

  ಮತದಾರರಿಗೆ ಕೃತಜ್ಞತೆ ಹೇಳುವ ಸಮಾರಂಭದಲ್ಲಿ ಮಾತನಾಡಿದ ಅವರು, "ಚುನಾವಣಾ ಕಾಲೇಜು ಜೊ ಬಿಡೆನ್‌ ಅವರನ್ನು ಆಯ್ಕೆ ಮಾಡಿದರೆ ಅದು ತಪ್ಪು. ಇದನ್ನು ಒಪ್ಪಿಕೊಳ್ಳುವುದು ತುಂಬಾ ಕಷ್ಟಕರವಾದ ಸಂಗತಿ" ಎಂದಿದ್ದಾರೆ.

  ಶ್ವೇತಭವನದಲ್ಲಿ ನಡೆದ ಸುದ್ದಿಗೋಷ್ಠಿಯ ವೇಳೆ ಚುನಾವಣಾ ಕಾಲೇಜು ಬಿಡೆನ್‌ ಅವರನ್ನು ಆಯ್ಕೆ ಮಾಡಿದರೆ ಏನು ಮಾಡುತ್ತೀರಾ? ಎಂದು ಪರ್ತಕರ್ತರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಅವರು, "ಈ ವಿಚಾರವನ್ನು ಒಪ್ಪಿಕೊಳ್ಳುವುದು ತುಂಬಾ ಕಷ್ಟ" ಎಂದು ಹೇಳಿದ್ದಾರೆ.

  "ಜೊ ಬಿಡೆನ್‌ ಅವರು ಗೆದ್ದಿದ್ದಾರೆ ಎಂದು ಪ್ರಕಟವಾದರೆ, ನಾನು ಖಂಡಿತವಾಗಿಯೂ ಶ್ವೇತಭವನವನ್ನು ತೊರೆಯುತ್ತೇನೆ" ಎಂದಿದ್ದಾರೆ.