ಶ್ವೇತ ಭವನದ ಪತ್ರಿಕಾ ಕಾರ್ಯದರ್ಶಿ ಸ್ಥಾನಕ್ಕೆ ಜೆನ್‌ ಸಕಿ ಹೆಸರು ಘೋಷಣೆ

•   Mon, Nov 30 2020 12:58:17 PM



• ವಾಷಿಂಗ್ಟನ್, ನ.30 (DaijiworldNews/PY): ಶ್ವೇತ ಭವನದ ಪತ್ರಿಕಾ ಕಾರ್ಯದರ್ಶಿ ಸ್ಥಾನಕ್ಕೆ ಜೆನ್‌ ಸಕಿ ಅವರ ಹೆಸರನ್ನು ಅಮೇರಿಕಾದ ನಿಯೋಜಿತ ಅಧ್ಯಕ್ಷ ಜೊ ಬಿಡೆನ್‌ ಅವರು ಘೋಷಣೆ ಮಾಡಿದ್ದಾರೆ.

  

  ಇನ್ನು ಶ್ವೇತ ಭವನದ ಸಂವಹನ ವಿಭಾಗದ ನಿರ್ದೇಶಕಿಯನ್ನಾಗಿ ಕೇಟ್‌ ಬೆಡಿಂಗ್‌ಫೀಲ್ಡ್‌ ಅವರನ್ನು ಘೋಷಿಸಲಾಗಿದ್ದು, ಇವರು ಅಧ್ಯಕ್ಷೀಯ ಚುನಾವಣೆಯ ಸಂದರ್ಭ ಜೊ ಬಿಡೆನ್‌ ಹಾಗೂ ಕಮಾಲಾ ಹ್ಯಾರಿಸಸ್‌ ಅವರ ಪ್ರಚಾರ ಕಾರ್ಯ ತಂಡದ ಉಪ ವ್ಯವಸ್ಥಾಪಕಿಯಾಗಿದ್ದರು.

  ಎಲಿಜಬೆತ್ ಇ.ಅಲೆಕ್ಸಾಂಡರ್‌ ಅವರನ್ನು ಜೊ ಬಿಡೆನ್‌ ಅವರ ಪತ್ನಿಯ ಸಂವಹನ ನಿರ್ದೇಶಕಿಯಾಗಿ, ಶ್ವೇತಭವನದ ಉಪಸಂವಹನ ನಿರ್ದೇಶಕಿಯಾಗಿ ಪಿಲಿ ಟೋಬರ್‌‌, ಆ್ಯಶ್ಲೆ ಎಟಿನಿ ಅವರನ್ನು ನಿಯೋಜಿತ ಉಪಾಧ್ಯಕ್ಷೆಯ ಸಂವಹನ ನಿರ್ದೇಶಕಿಯಾಗಿ ನೇಮಕ ಮಾಡುವುದಾಗಿ ಘೋಷಣೆ ಮಾಡಲಾಗಿದೆ.

  ಕರೀನ್‌ ಜೀನ್‌ ಪಿಯರಿ ಅವರನ್ನು ಪ್ರಧಾನ ಉಪ ಕಾರ್ಯದರ್ಶಿ ಹುದ್ದೆಗೆ, ಸಿಮೋನ್‌ ಸ್ಯಾಂಡರ್ಸ್ ಅವರ ಹೆಸರನ್ನು ನಿಯೋಜಿತ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್‌ ಅವರ ಹಿರಿಯ ಸಲಹೆಗಾರ್ತಿ ಹಾಗೂ ಮುಖ್ಯ ವಕ್ತಾರರ ಹುದ್ದೆಗೆ ಘೋಷಣೆ ಮಾಡಲಾಗಿದೆ.