ಫೋಬ್ಸ್‌ನ ವಿಶ್ವದ 100 ಸಶಕ್ತಶಾಲಿ ಮಹಿಳೆಯರ ಪಟ್ಟಿಯಲ್ಲಿ ನಿರ್ಮಲಾ, ಕಿರಣ್‌ ಮಜುಂದಾರ್‌ ಷಾ

•   Wed, Dec 09 2020 08:38:54 AM



• ನ್ಯೂಯಾರ್ಕ್, ಡಿ.09 (DaijiworldNews/MB) : ಫೋಬ್ಸ್‌ನ ವಿಶ್ವದ 100 ಸಶಕ್ತಶಾಲಿ ಮಹಿಳೆಯರ ಪಟ್ಟಿಯಲ್ಲಿ ಭಾರತದ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್, ಬಯೋಕಾನ್ ಸಂಸ್ಥಾಪಕಿ ಕಿರಣ್ ಮಜುಂದಾರ್ ಷಾ ಅವರು ಹೆಸರು ಕೂಡಾ ಉಲ್ಲೇಖವಾಗಿದೆ.

  

  ಇದಲ್ಲದೇ ಭಾರತ ಮೂಲದವರಾದ ಅಮೇರಿಕಾದ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಹೆಸರು ಕೂಡಾ ಈ ಪಟ್ಟಿಯಲ್ಲಿದೆ. ಎಚ್‌ಸಿಎಲ್ ಎಂಟರ್‌ಪ್ರೈಸ್‌ ಸಿಇಒ ರೋಶನಿ ನಾಡಾರ್ ಮಲ್ಹೋತ್ರಾ ಅವರ ಹೆಸರು ಕೂಡಾ ಈ ಪಟ್ಟಿಯಲ್ಲಿದೆ.

  ಇನ್ನು ಫೋಬ್ಸ್‌ನ ಈ ಪಟ್ಟಿಯಲ್ಲಿ ಜರ್ಮನಿಯ ಚಾನ್ಸೆಲರ್ ಏಂಜೆಲಾ ಮರ್ಕೆಲ್ ಪ್ರಥಮ ಸ್ಥಾನದಲ್ಲಿದ್ದು ಸತತವಾಗಿ 10 ವರ್ಷಗಳಿಂದಲೂ ಮರ್ಕೆಲ್‌ ಪ್ರಥಮ ಸ್ಥಾನದಲ್ಲೇ ಇದ್ದಾರೆ.
  
  ನಿರ್ಮಲಾ ಸೀತಾರಾಮನ್ 41ನೇ ಸ್ಥಾನ, ರೋಶನಿ 55ನೇ ಸ್ಥಾನ, ಕಿರಣ್ 68ನೇ ಸ್ಥಾನದಲ್ಲಿದ್ದರೆ, ಕಮಲಾ ಹ್ಯಾರಿಸ್ 3ನೇ ಸ್ಥಾನದಲ್ಲಿದ್ದಾರೆ. ಲ್ಯಾಂಡ್ ಮಾರ್ಕ್ ಗುಂಪಿನ ಅಧ್ಯಕ್ಷೆ ರೇಣುಕಾ ಜಗ್‌ಟಿಯಾನಿ 98ನೇ ಸ್ಥಾನದಲ್ಲಿದ್ದಾರೆ.