ಭಾರತೀಯ ಮೂಲದ ವ್ಯಕ್ತಿ ಚಿಕಾಗೊ ವಿಮಾನ ನಿಲ್ದಾಣದ ಅಪಘಾತದಲ್ಲಿ ಸಾವು

•   Wed, Dec 16 2020 11:54:37 AM



• ನ್ಯೂಯಾರ್ಕ್‌, ಡಿ.16 (DaijiworldNews/PY): ಚಿಕಾಗೊದ ವಿಮಾನ ನಿಲ್ದಾಣದಲ್ಲಿ ನಡೆದ ಅಪಘಾತದಲ್ಲಿ ಭಾರತೀಯ ಮೂಲದ ವ್ಯಕ್ತಿಯಯೋರ್ವರು ಸಾವನ್ನಪ್ಪಿದ್ದಾರೆ ಎಂದು ವರದಿಗಳು ತಿಳಿಸಿವೆ.

  

  ಮೃತರನ್ನು ಕೇರಳ ಮೂಲದ ಜಿಜೊ ಜಾರ್ಜ್‌ (35) ಎನ್ನಲಾಗಿದೆ.

  ಜಾರ್ಜ್ ಅವರು ಚಿಕಾಗೊದ ಓ ಹೇರ್‌‌‌‌ ವಿಮಾನ ನಿಲ್ದಾಣದಲ್ಲಿ ನಡೆದ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ. ಜಾರ್ಜ್ ಅವರು ಮೆಕ್ಯಾನಿಕ್‌ ಆಗಿ ಕೆಲಸ ಮಾಡುತ್ತಿದ್ದರು ಎಂದು ಚಿಕಾಗೊದ ಸುದ್ದಿಸಂಸ್ಥೆಯೊಂದು ವರದಿ ಮಾಡಿದೆ.

  ಪೊಲೀಸರ ಪ್ರಕಾರ, ನೆಲದ ಮೇಲೆ ಚಲಿಸಲು ಬಳಸುವ ಉಪಕರಣದ ಅಡಿಯಲ್ಲಿ ಅವರು ಕೆಲಸ ಮಾಡುತ್ತಿರುವ ವೇಳೆ ಅವರಿಂದ ಯಾವುದೇ ಸ್ಪಂದನೆ ಕಂಡುಬಂದಿಲ್ಲ. ಹಾಗಾಗಿ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ ಎಂದು ತಿಳಿಸಿದ್ದಾರೆ.

  ಜಾರ್ಜ್ ಅವರು ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದು, ಸ್ಥಳೀಯ ವೈದ್ಯಕೀಯ ಮರಣೋತ್ತರ ಪರೀಕ್ಷೆಯ ವರದಿಯಲ್ಲಿ ಅಪಘಾತದಲ್ಲಿ ಮೃತ್ಯು ಎಂದು ಉಲ್ಲೇಖಿಸಲಾಗಿದೆ.

  ಸಂಸ್ಥೆಯಿಂದ ಪರಿಸ್ಥಿತಿ ತನಿಖೆಯಲ್ಲಿದ ಎಂದು ವಕ್ತಾರ ಮಿನ್ನೆಟ್ ವೆಲೆಜ್-ಕಾಂಟ್ಲಿ ಹೇಳಿದ್ದಾರೆ.

  ಉದ್ಯೋಗಿಗಳಿಗೆ ಹಾಗೂ ಅವರ ಕುಟುಂಬಕ್ಕೆ ಸಹಾಯ ಮಾಡುವ ಸಲುವಾಗಿ ಬೆಂಬಲ ನೀಡುತ್ತಿದ್ದೇವೆ ಎಂದಿದ್ದಾರೆ.

  ಭಾರತೀಯ ಸಮುದಾಯದ ಪರವಾಗಿ ಜಾರ್ಜ್ ಅವರ ಕುಟುಂಬಕ್ಕಾಗಿ ಕ್ರೌಡ್-ಫಂಡಿಂಗ್ ಸೈಟ್ ಗೋಫಂಡ್‌ಮೆನಲ್ಲಿ ನಿಧಿಸಂಗ್ರಹ ಮಾಡುತ್ತೇವೆ.ಈ ಕುಟುಂಬಕ್ಕೆ ಅವರ ಅಗತ್ಯ ಸಮಯದಲ್ಲಿ ಸಹಾಯ ಮಾಡಲು ಒಟ್ಟಾಗಿ ಸೇರೋಣ ಎಂದು ನಿಧಿಸಂಗ್ರಹವನ್ನು ಆಯೋಜಿಸಿದ ನಿಶಾ ಎರಿಕ್ ಮತ್ತು ಗ್ಲಾಡ್ಸನ್ ವರ್ಗೀಸ್ ತಿಳಿಸಿದ್ದಾರೆ.

  ಜಾರ್ಜ್‌ ಅವರ ಪತ್ನಿ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂದು ಹೇಳಿದ್ದಾರೆ.