ಮುಂಬೈ ದಾಳಿ ಸಂಚುಕೋರ ಝಕಿ-ಉರ್‌‌‌-ರೆಹಮಾನ್‌‌‌‌ ಲಖ್ವಿ ಬಂಧನ

•   Sat, Jan 02 2021 04:52:03 PM



• ಲಾಹೋರ್‌, ಜ.02 (DaijiworldNews/PY): ಮುಂಬೈ ದಾಳಿಯ ಮಾಸ್ಟರ್‌ ಮೈಂಡ್ ಹಾಗೂ ಲಷ್ಕರ್‌-ಎ-ತೈಬಾ ಕಮಾಂಡರ್‌‌‌‌‌ ಝಕಿ-ಉರ್‌‌‌-ರೆಹಮಾನ್‌‌‌‌ ಲಖ್ವಿಯನ್ನು ಶನಿವಾರ ಪಾಕಿಸ್ತಾನದಲ್ಲಿ ಬಂಧಿಸಲಾಗಿದೆ ಎಂದು ಅಧಿಕಾರಿಯೋರ್ವರು ತಿಳಿಸಿದ್ದಾರೆ.

  

  ಆದರೆ, ಈತನನ್ನು ಯಾವ ಸ್ಥಳದಲ್ಲಿ ಬಂಧಿಸಲಾಗಿದೆ ಎನ್ನುವುದನ್ನು ಭಯೋತ್ಪಾದನೆ ನಿಗ್ರಹ ಇಲಾಖೆ ಬಹಿರಂಗಪಡಿಸಿಲ್ಲ.

  ಲಖ್ವಿಯು ಭಯೋತ್ಪಾದನೆ ಕೃತ್ಯಗಳಿಗೆ ಹಣಕಾಸಿನ ನೆರವು ಮಾಡುತ್ತಿದ್ದ ಎನ್ನುವ ಆರೋಪದ ಹಿನ್ನೆಲೆ ಈತನನ್ನು ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.