ಅಫ್ಗಾನಿಸ್ತಾನದಲ್ಲಿ ಬಾಂಬ್‌ ಸ್ಫೋಟ - ಮೂವರು ಮೃತ್ಯು

•   Sun, Jan 10 2021 02:59:10 PM



• ಕಾಬೂಲ್‌,ಜ.10 (DaijiworldNews/HR): ಬಾಂಬ್ ಸ್ಫೋಟಗೊಂಡು ಮೂವರು ಮೃತಪಟ್ಟ ಘಟನೆ ಅಫ್ಘಾನಿಸ್ತಾನದ ಕಾಬೂಲ್‌ನ ರಸ್ತೆಬದಿಯಲ್ಲಿ ನಡೆದಿದೆ.

  

  ಅಫ್ಗಾನಿಸ್ತಾನ ಸರ್ಕಾರ ಕತಾರ್‌ನಲ್ಲಿ ತಾಲಿಬಾನ್‌ ಜೊತೆಗಿನ ಶಾಂತಿಮಾತುಕತೆಯನ್ನು ಮುಂದುವರಿಸಿದ್ದು, ಈ ಸಂದರ್ಭದಲ್ಲೇ ಬಾಂಬ್‌ ಸ್ಫೋಟಗೊಂಡು ಭದ್ರತಾ ಸಿಬ್ಬಂದಿ ಸೇರಿದಂತೆ ಒಟ್ಟು ಮೂರು ಮಂದಿ ಸ್ಫೋಟದಲ್ಲಿ ಮೃತಪಟ್ಟಿದ್ದಾರೆಂದು ಆಂತರಿಕ ಸಚಿವಾಲಯದ ವಕ್ತಾರ ತಾರಿಕ್ ಅರಿಯನ್ ತಿಳಿಸಿದ್ದಾರೆ.

  ಇನ್ನು ಈ ಘಟನೆಯ ಹೊಣೆಯನ್ನು ಈವರೆಗೂ ಯಾವುದೇ ಸಂಘಟನೆಯೂ ಹೊತ್ತುಕೊಂಡಿಲ್ಲ ಎಂದು ತಿಳಿದು ಬಂದಿದೆ.