ವುಹಾನ್‌‌ನ ಬೆಶಾಚೌ ಮಾರುಕಟ್ಟೆಗೆ‌ ಭೇಟಿ ನೀಡಿದ ಡಬ್ಲೂಎಚ್‌ಒ ತಂಡ

•   Sun, Jan 31 2021 01:03:34 PM



• ಚೀನಾ, ಜ.31 (DaijiworldNews/PY): ಕೊರೊನಾ ವೈರಸ್‌ನ ಮೂಲದ ಪತ್ತೆಗಾಗಿ ವಿಶ್ವ ಆರೋಗ್ಯ ಸಂಸ್ಥೆಯ ತಂಡವು ವುಹಾನ್‌‌ನ ಫುಡ್‌ ಮಾರ್ಕೆಟ್‌‌ ಎಂದು ಕರೆಯಲಾಗುವ ಬೆಶಾಚೌ ಮಾರುಕಟ್ಟೆಗೆ ರವಿವಾರ ಭೇಟಿ ನೀಡಿದೆ.

  

  ಬೆಶಾಚೌ ಮಾರುಕಟ್ಟೆ ವುಹಾನ್‌‌ನ ಅತಿ ದೊಡ್ಡ ಮಾರುಕಟ್ಟೆಯಲ್ಲಿ ಒಂದಾಗಿದೆ. ಡಬ್ಲೂಎಚ್‌ಒನ ಅಧಿಕಾರಿಗಳು ಈ ಮಾರುಕಟ್ಟೆಯ ವಿವಿಧ ಭಾಗಗಳಲ್ಲಿ ಪರಿಶೀಲನೆ ನಡೆಸುತ್ತಿದ್ದು, ಇವರೊಂದಿಗೆ ಚೀನಾದ ಅಧಿಕಾರಿಗಳು ಸೇರಿದಂತೆ ಪ್ರತಿನಿಧಿಗಳ ತಂಡವೂ ಕೂಡಾ ಆಗಮಿಸಿದೆ.

  ಹುಬೈ ಇಂಟಿಗ್ರೇಟೆಡ್ ಚೈನೀಸ್‌ ಮತ್ತು ವೆಸ್ಟರ್ನ್‌ ಮೆಡಿಸಿನ್‌ ಆಸ್ಪತ್ರೆಗೆ ವೈರಾಲಜಿ, ಪ್ರಾಣಿಗಳ ಆರೋಗ್ಯ, ಆಹಾರ ಸುರಕ್ಷತೆ ಹಾಗೂ ಸಾಂಕ್ರಾಮಿಕ ರೋಗದಲ್ಲಿ ಪರಿಣತಿ ಹೊಂದಿರುವ ತಜ್ಞರು ಶನಿವಾರ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದರು.

  ತನ್ನ ವಿಜ್ಞಾನಿಗಳ ತಂಡದ ತನಿಖೆಯ ಮುಂದುವರಿದ ಭಾಗವಾಗಿ ವುಹಾನ್‌ ಇನ್‌ಸ್ಟಿಟ್ಯೂಟ್‌.ಆಫ್‌ ವೈರಾಲಜಿ, ವುಹಾನ್‌ ಸೆಂಟರ್‌ ಫಾರ್‌ ಡಿಸೀಸ್ ಪ್ರಯೋಗಾಲಯ ಹಾಗೂ ಸೀಫುಡ್ ಮಾರ್ಕೆಟ್‌ಗಳಿಗೆ ಭೇಟಿ ನೀಡಲು ತೀರ್ಮಾನ ಮಾಡಿದೆ" ಎಂದು ಡಬ್ಲ್ಯುಎಚ್‌ಒ ಶನಿವಾರ ತಿಳಿಸಿತ್ತು.