ಸೌದಿ ಅರೇಬಿಯಾದಲ್ಲಿ ದುರಂತ ಸಾವಿಗೀಡಾದ ಕೇರಳ ಮೂಲದ ಇಬ್ಬರು ನರ್ಸ್ - ಮತ್ತಿಬ್ಬರು ಗಂಭೀರ

•   Mon, Mar 01 2021 11:39:04 AM



• ಸೌದಿ ಅರೇಬಿಯಾ, ಮಾ 01 (DaijiworldNews/MS): ಸೌದಿ ಅರೇಬಿಯಾದ ತೈಫ್​ನಲ್ಲಿ ಮಿನಿ ಬಸ್ಸೊಂದು ಕಂದಕಕ್ಕೆ ಉರುಳಿಬಿದ್ದ ಪರಿಣಾಮ ಕೇರಳ ಮೂಲದ ಇಬ್ಬರು ನರ್ಸ್​ ದಾರುಣವಾಗಿ ಮೃತಪಟ್ಟಿರುವ ಘಟನೆ ಭಾನುವಾರ ಸಂಜೆ ನಡೆದಿದೆ.

   

  ಮೃತರನ್ನು ಕೇರಳದ ಕೊಲ್ಲಂ ನಿವಾಸಿ ಸುಬಿ (33) ಮತ್ತು ವೈಕೊಂ ವಂಚಿಯೂರ್​ ನಿವಾಸಿ ಅಖಿಲಾ (29) ಎಂದು ಗುರುತಿಸಲಾಗಿದೆ.

  ಕೇರಳದ ಇನ್ನಿಬ್ಬರು ನರ್ಸ್​ಗಳಾದ ಆಯನ್ಸಿ ಮತ್ತು ಪ್ರಿಯಾಂಕಾ ಗಂಭೀರವಾಗಿ ಗಾಯಗೊಂಡಿದ್ದು, ತೈಫ್​ನ ಕಿಂಗ್​ ಫೈಸಲ್​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇವರೆಲ್ಲರೂ ರಿಯಾದ್​ನಲ್ಲಿ ತಮ್ಮ ಕ್ವಾರಂಟೈನ್​ ಪೂರ್ಣಗೊಳಿಸಿ ಜೆದ್ದಾದಲ್ಲಿರುವ ವಸತಿ ನಿಲಯಕ್ಕೆ ಮರಳುವಾಗ ಅಪಘಾತ ನಡೆದಿದೆ ಎಂದು ವರದಿಯಾಗಿದೆ.

  ರಿಯಾದ್​ನಿಂದ ಜೆದ್ದಾಗೆ ಪ್ರಯಾಣ ಬೆಳೆಸಿದ್ದ ಮಿನಿಬಸ್​ ರಸ್ತೆ ಪಕ್ಕದ ಕಂದಕಕ್ಕೆ ಉರುಳಿದ್ದು, ಚಾಲಕ ನಿದ್ರೆಗೆ ಜಾರಿದ್ದರ ಪರಿಣಾಮ ದುರ್ಘಟನೆ ನಡೆದಿದೆ ಎನ್ನಲಾಗಿದೆ.