ಅಮೇರಿಕದ ಕೊಲೊರಾಡೊದಲ್ಲಿ ಭೀಕರ ಶೂಟೌಟ್ - ಪೊಲೀಸ್ ಸೇರಿ ಹಲವರು ಸಾವು

•   Tue, Mar 23 2021 09:49:29 AM



• ಕೊಲೊರಾಡೊ,ಮಾ 23(DaijiworldNews/MS): ಅಮೆರಿಕದ ಕೊಲೊರಾಡೊದಲ್ಲಿ ಅರೆನಗ್ನ ಬಂಧೂಕುಧಾರಿ ಆಗಂತುಕನೊಬ್ಬ ಗುಂಡಿನ ದಾಳಿ ನಡೆಸಿದ ಅಟ್ಟಹಾಸದಿಂದ ಸುಮಾರು ಹತ್ತು ಮಂದಿ ಮೃತಪಟ್ಟಿದ್ದಾರೆ. ಇದು ಇತ್ತೀಚೆಗಿನ ಭೀಕರ ದಾಳಿಯಾಗಿದೆ.

  

  ಕೊಲೊರಾಡೊದಲ್ಲಿನ ಸೂಪರ್‌ ಮಾರ್ಕೆಟ್‌ನಲ್ಲಿ ಈ ಗುಂಡಿನ ದಾಳಿ ನಡೆದಿದ್ದು, ಓರ್ವ ಪೊಲೀಸ್‌ ಅಧಿಕಾರಿ ಸೇರಿದಂತೆ 10 ಮಂದಿ ಮೃತಪಟ್ಟಿದ್ದಾರೆ. ಘಟನಾ ಸ್ಥಳದಿಂದ ಮಧ್ಯ ವಯಸ್ಸಿನ ಶರ್ಟ್ ಧರಿಸದೆ ಅರೆನಗ್ನವಾಗಿ ಇದ್ದ ವ್ಯಕ್ತಿಯನ್ನು ಪೊಲೀಸರು ಕಸ್ಟಡಿಗೆ ಪಡೆದಿದ್ದಾರೆ. ಬಂಧನ ವೇಳೆ ಆತನ ಕಾಲುಗಳು ರಕ್ತಸಿಕ್ತವಾಗಿತ್ತು. ಶಂಕಿತ ವ್ಯಕ್ತಿಗೆ ಗಂಭೀರ ಸ್ವರೂಪದ ಗಾಯಗಳಾಗಿರಲಿಲ್ಲ ಎಂದು ತಿಳಿದುಬಂದಿದೆ.

  ಪೊಲೀಸ್‌ ಆತನನ್ನು ತಡೆಯಲು ಹೋದಾಗ ಪೊಲೀಸ್‌ ಅಧಿಕಾರಿ ಮೇಲೆಯೂ ಬಂದೂಕುಧಾರಿ ದಾಳಿ ನಡೆಸಿ ಕೊಂದು ಹಾಕಿದ್ದಾನೆ. " ಘಟನೆಯಲ್ಲಿ ಹಲವು ಮಂದಿ ಸಾವನ್ನಪ್ಪಿದ್ದಾರೆ ಇವರಲ್ಲಿ ಪೊಲೀಸ್ ಅಧಿಕಾರಿಯೂ ಸೇರಿದ್ದಾರೆ ಎಂದು ಅಲ್ಲಿನ ಪೊಲೀಸ್ ಕಮಾಂಡರ್ ಯಮಗುಚಿ ಹೇಳಿದ್ದಾರೆ.