ಮೆಕ್ಸಿಕೋದಲ್ಲಿ ಲಘು ವಿಮಾನ ಅಪಘಾತ - 6 ಮಂದಿ ಮೃತ್ಯು

•   Sun, Mar 28 2021 11:40:30 AM



• ಮೆಕ್ಸಿಕೊ ಸಿಟಿ, ಮಾ.28 (DaijiworldNews/PY): ಲಘು ವಿಮಾನವೊಂದು ಅಪಘಾತಕ್ಕೀಡಾಗಿ ಆರು ಮಂದಿ ಸಾವನ್ನಪ್ಪಿ, ಓರ್ವ ಗಾಯಗೊಂಡಿರುವ ಘಟನೆ ಮೆಕ್ಸಿಕೋದ ಉತ್ತರ ಭಾಗದ ಗಡಿ ರಾಜ್ಯವಾದ ಸೊನೊರಾದಲ್ಲಿ ನಡೆದಿದೆ.

  
  ಸಾಂದರ್ಭಿಕ ಚಿತ್ರ

  ಸೊನಾರಾದ ಹೆರ್ಮೊಸಿಲ್ಲೊ ನಗರದಿಂದ ವಿಮಾನ ಆರಿಜೋನಾದ ಟುಕ್ಸನ್‌‌ಗೆ ಹೊರಟಿದ್ದು, ಟೇಕಾಫ್‌ ಅದ ಕೆಲವೇ ಸಮಯದಲ್ಲಿ ವಿಮಾನ ಪತನವಾಗಿದೆ.

  ಸಾವನ್ನಪ್ಪಿದವರ ಪೈಕಿ ಸೊನಾರಾ ರಾಜ್ಯದ ಆರ್ಥಿಕ ಅಭಿವೃದ್ದಿ ಅಧಿಕಾರಿ ಲಿಯನಾರ್ಡೊ ಸಿಸ್ಕೊಮನಿ ಹಾಗೂ ವಿಮಾನ ಪೈಲಟ್‌ ಸೇರಿದ್ದಾರೆ.

  "ಅಪಘಾತಕ್ಕೆ ಏನು ಕಾರಣ ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ" ಎಂದು ರಾಜ್ಯ ಸರ್ಕಾರದ ಅಧಿಕಾರಿಗಳು ಹೇಳಿದ್ದಾರೆ.